મુંબઈઃ દેશની આર્થિક રાજધાની ગણાતા મુંબઈમાં વધતા વાયુ પ્રદૂષણને કારણે પરિસ્થિતિ બગડવા લાગી છે. ક્યારેક ઉત્તમ એર ક્વાલિટી માટે જાણીતી મહાનગરની હાલ ‘સાંસો ફૂલતી’ હાલત થઈ છે. ગંભીર અવસ્થાને ધ્યાનમાં રાખીને સરકારએ મુંબઈના અનેક વિસ્તારોમાં ગ્રેડેડ રિસ્પોન્સ એક્શન પ્લાન (GRAP)-4 અમલમાં મૂકી દીધો છે. આ પગલાથી મુંબઈ હવે દિલ્હી પછી તે શહેરોમાં સામેલ થયો છે, જ્યાં વાયુ પ્રદૂષણ ખતરનાક સપાટીએ પહોંચ્યું છે.
મુંબઈના મઝગાંવ, દેવનાર, માલાડ, બોરીવલી ઈસ્ટ, અંધેરી ઈસ્ટ, પવઈ અને મુલુન્ડ સહિતના વિસ્તારોમાં હવાની ગુણવત્તા ‘અતિ ખરાબ’ કેટેગરીમાં નોંધાઈ છે. બૃહન્મુંબઈ મહાનગરપાલિકા (BMC)એ પ્રદૂષણ રોકવા માટે કડક પગલાં ભર્યાં છે. ઉપરોક્ત વિસ્તારોમાં કોઈપણ પ્રકારના બાંધકામ અને ધૂળ ફેલાવતી પ્રવૃત્તિઓ પર પ્રતિબંધ મૂકાયો છે. તેમજ 50 થી વધુ બાંધકામ સાઇટને કામ બંધ કરવાની નોટિસ આપવામાં આવી છે. આ ઉપરાંત બેકરી, માર્બલ કટિંગ યુનિટ અને નાના ઉદ્યોગોને પણ સ્વચ્છ પ્રક્રિયા અપનાવવા અથવા કાર્યવાહી માટે તૈયાર રહેવા તાકીદ કરાઈ છે. બીજી તરફ BMCએ દરેક વોર્ડમાં ફ્લાઈંગ સ્ક્વોડ તૈનાત કરી છે. આ સ્ક્વોડમાં ઈજનેરો, પોલીસકર્મીઓ અને GPS ટ્રેકિંગ વાહનોનો સમાવેશ થાય છે.
