દિલ્હીમાં બે દિવસથી વરસાદી વાતાવરણ, પ્રદૂષણના સ્તરમાં નોંધપાત્ર ઘટાડો નોંધાયો
- દિલ્લીમાં વરસાદની સકારાત્મક અસર
- પ્રદૂષણમાં નોંધાયો નોંધપાત્ર ઘટાડો
- બે દિવસથી છે વરસાદી વાતાવરણ
- કેટલીક જગ્યાએ પાણી ભરાતા લોકો પરેશાન પણ થાય
દિલ્હીમાં બે દિવસના ભારે વરસાદથી હવામાન સુખદ બન્યું છે. વરસાદ પર બ્રેક લાગ્યા બાદ ભેજ ખુબ જ પરેશાન કરી રહ્યો છે અને સોમવારે પણ કેટલાક વિસ્તારોમાં વરસાદ પડ્યો હતો. બે દિવસના વરસાદી વાતાવરણ બાદ તડકાને કારણે લોકોને પરસેવો થવા લાગ્યો. હવામાન વિભાગે બુધવાર અને ગુરુવારે ભારે પવન અને શુક્રવાર અને રવિવારે વરસાદની આગાહી કરી છે.
ગત શનિવારથી દિલ્હીમાં સામાન્ય વરસાદી વાતાવરણ હતું જે રવિવાર સવાર સુધી ચાલુ રહ્યું. સોમવારે પણ કેટલાક વિસ્તારોમાં સવારે વરસાદ પડ્યો હતો. સવારે 8.30 સુધી 1.2 મીમી અને સાંજે 5.30 સુધી 2.1 મીમી વરસાદ નોંધાયો હતો. મહત્તમ તાપમાન 35.2° સે અને લઘુત્તમ તાપમાન 26.2° સે નોંધાયું હતું. પ્રીતમપુરા કેન્દ્રમાં સૌથી વધુ મહત્તમ તાપમાન 36.9 ડિગ્રી સેલ્સિયસ નોંધાયું હતું.
હવામાન વિભાગના જણાવ્યા અનુસાર મંગળવારે પણ હળવા વરસાદની સંભાવના છે. ત્યાર બાદ બે દિવસ વરસાદ પર વિરામ રહેશે. આ દરમિયાન 20-30 કિલોમીટર પ્રતિ કલાકની ઝડપે મજબૂત સપાટીના પવન ફૂંકાશે. જે બાદ 27 અને 29 ઓગસ્ટના રોજ ફરી વરસાદી મોસમ શરૂ થશે. તે પછી વરસાદની મોસમ બંધ થવા લાગશે.
