મુંબઈ: રણબીર કપૂર, બોબી દેઓલ અને રશ્મિકા મંદાન્નાની ફિલ્મ ‘એનિમલ’ રિલીઝ થઈ ત્યારથી જ સિનેમાઘરોમાં ધૂમ મચાવી રહી છે. નિર્દેશક સંદીપ રેડ્ડી વાંગાની આ ફિલ્મના ફિલ્મી ચાહકોમાં હાલ એક અલગ જ ફીવર જોવા મળી રહ્યો છે. ફિલ્મના શો સતત હાઉસફુલ થઈ રહ્યા છે. આનો ફાયદો ફિલ્મને કમાણીના મામલે પણ થઈ રહ્યો છે.આવી સ્થિતિમાં ફિલ્મ બોક્સ ઓફિસ કલેક્શનના મામલે એક પછી એક નવા રેકોર્ડ બનાવી રહી છે. ફિલ્મની કમાણી વધી રહી છે. ત્રણ દિવસની બમ્પર કમાણી કર્યા બાદ આ ફિલ્મે ચોથા દિવસે પણ જોરદાર કલેક્શન કર્યું છે. આવો તમને જણાવીએ કે આ ફિલ્મે ચોથા દિવસે કેટલી કમાણી કરી છે.
Sacnilk ના અહેવાલ મુજબ ચોથા દિવસે પ્રારંભિક અંદાજ મુજબ ફિલ્મે લગભગ 39.9 કરોડ રૂપિયાનું કલેક્શન કર્યું છે. ફિલ્મે ત્રીજા દિવસે તમામ ભાષાઓમાં 72.50 કરોડ રૂપિયાની કમાણી કરી હતી. ‘એનિમલ’એ તેની રિલીઝના પહેલા દિવસે એટલે કે શુક્રવારે 63.8 કરોડ રૂપિયાનું મજબૂત કલેક્શન કર્યું હતું અને બીજા દિવસે એટલે કે શનિવારે ફિલ્મે 66.27 કરોડ રૂપિયાનું શાનદાર કલેક્શન કર્યું હતું.
આ સાથે ‘એનિમલ’ની ચાર દિવસની કુલ કમાણી હવે 241.43 કરોડ રૂપિયા પર પહોંચી ગઈ છે. ફિલ્મના વર્લ્ડવાઈડ કલેક્શનની વાત કરીએ તો તેણે ત્રણ દિવસમાં 356 કરોડ રૂપિયાનો આંકડો સ્પર્શી લીધો હતો. હવે ચોથા દિવસે ફિલ્મ 400 કરોડનો આંકડો પાર કરતી જોવા મળી રહી છે.
ફિલ્મ ‘એનિમલ’માં રણબીર કપૂર, રશ્મિકા મંદન્ના, અનિલ કપૂર, બોબી દેઓલ, શક્તિ કપૂર, સુરેશ ઓબેરોય, પ્રેમ ચોપરા અને તૃપ્તિ ડિમરી મુખ્ય ભૂમિકામાં છે. આ ફિલ્મનું નિર્દેશન સંદીપ રેડ્ડી વાંગાએ કર્યું છે, જેઓ ‘કબીર સિંહ’ અને ‘અર્જુન રેડ્ડી’ના નિર્દેશન માટે જાણીતા છે. ભૂષણ કુમાર અને કૃષ્ણ કુમારની ટી-સિરીઝ, મુરાદ ખેતાનીના સિને1 સ્ટુડિયો અને પ્રણય રેડ્ડી વાંગાના ભદ્રકાલી પિક્ચર્સ દ્વારા નિર્મિત, ‘એનિમલ’ 1 ડિસેમ્બરના રોજ રિલીઝ થઈ ત્યારથી તરંગો સર્જી રહી છે.
