મુંબઈઃ- સની દેઓલ અને અમીષા પટેલ ફિલ્મ ‘ગદર 2’ને લઈને દર્શકો ભારે ઉત્સાહીત જોવા મળી રહ્યા છે. ફિલ્મના નિર્માતાઓએ ફિલ્મનું નવું મોશન પોસ્ટર રિલીઝ કર્યું હતું. આ પોસ્ટરમાં સની અને ઉત્કર્ષ શર્મા બોર્ડર પર દોડતા જોવા મળે છે.દર્શકો ફિલ્મની હવે આતુરતાથી રાહ જોઈ રહ્યા છે.આ ફિલ્મને લઈને સની દેઓલ ફરી એકવાર ચર્ચામાં આવ્યો છે. ઘણા સમયથી એવા અહેવાલ આવી રહ્યા છે કે તે મોટા પડદા પર ધમાકેદાર એન્ટ્રી કરવા જઈ રહ્યો છે.
આ ફિલ્મમાં સની દેઓલ, તારા સિંહ અને ઉત્કર્ષના પુત્ર જીત જોવા મળશે. ફિલ્મનું નવું મોશન પોસ્ટર શેર કરતાં નિર્માતાઓએ લખ્યું, ‘પિતાના પ્રેમની કોઈ સીમા હોતી નથી.’ વીડિયોમાં સની અને ઉત્કર્ષ ભારત-પાકિસ્તાન બોર્ડર પર દોડી રહ્યા છે અને ચારે બાજુથી તેમના પર ગન ચલાવવામાં આવી રહી છે.
આ પોસ્ટરને શેર કરતા સની દેઓલે લખ્યું, ‘પોતાના દેશ અને પરિવારની સુરક્ષા માટે આ તારા સિંહ દરેક પડકારનો સામનો કરવા તૈયાર છે.’ તેમની આ પોસ્ટ પર ફોલોઅર્સે કમેન્ટ સેક્શનમાં પોતાનો ઉત્સાહ દર્શાવ્યો છે.
ઉલ્લેખનીય છે કે ફિલ્મ અનિલ શર્મા દ્વારા નિર્દેશિત કરવામાં આવી છે આ ફિલ્મ 11 ઓગસ્ટે સિનેમાઘરોમાં રિલીઝ થવાની તૈયારી દર્શાવે છે. જો ફિલ્મની વાર્તા વિશે વાત કરીએ તો આ વાર્તા 1971માં સેટ છે. ફિલ્મમાં સની દેઓલ, અમીષા પટેલ અને અનિલ શર્માના પુત્ર ઉત્કર્ષ શર્માની મહત્ત્વની ભૂમિકા છે. ઉત્કર્ષે 2018માં ફિલ્મ ‘જીનિયસ’થી ડેબ્યૂ કર્યું હતું ત્યારે હવે સનીદેઓલ સાથે પણ તે જોવા મળશે.
