શંકર અને જયરામે કર્ણાટક રાજ્ય ક્રિકેટ એસોસિએશનના સેક્રેટરી અને ટ્રેઝરર પદ પરથી રાજીનામું આપ્યું

બેંગલુરુઃ એ શંકર અને ઇ એસ જયરામે કર્ણાટક રાજ્ય ક્રિકેટ એસોસિએશન (KSCA) ના સેક્રેટરી અને ટ્રેઝરર પદ પરથી રાજીનામું આપ્યું છે. બંનેએ IPL ચેમ્પિયન રોયલ ચેલેન્જર્સ બેંગ્લોર (RCB) ના વિજય સમારોહ દરમિયાન થયેલી ભાગદોડની નૈતિક જવાબદારી લીધી છે, જેમાં 11 લોકો મૃત્યુ પામ્યા હતા. શંકર અને જયરામે એક સંયુક્ત નિવેદનમાં જણાવ્યું હતું કે તેઓએ ગુરુવારે રાત્રે KSCA પ્રમુખને રાજીનામું સુપરત કર્યું છે.

નિવેદનમાં કહેવામાં આવ્યું છે કે, ” અમે કર્ણાટક રાજ્ય ક્રિકેટ એસોસિએશનના સેક્રેટરી અને ટ્રેઝરર પદ પરથી રાજીનામું આપી દીધું છે. ભલે આમાં અમારી ભૂમિકા ખૂબ જ મર્યાદિત હતી.” KSCA ના પ્રમુખ રઘુરામ ભટ, સેક્રેટરી શંકર અને ટ્રેઝરર જયરામે કર્ણાટક હાઇકોર્ટને જણાવ્યું હતું કે ગેટ મેનેજમેન્ટ અને ભીડ વ્યવસ્થાપન એસોસિએશનની જવાબદારી નથી અને તેમણે વિધાન સૌધા ખાતે કાર્યક્રમ યોજવાની પરવાનગી માંગી હતી. વિધાન સૌધમાં સન્માન સમારોહ કોઈ મોટા વિક્ષેપ વિના પૂર્ણ થયો, પરંતુ એમ ચિન્નાસ્વામી સ્ટેડિયમની બહાર નાસભાગ મચી ગઈ.