મોગાદિશુ, 30 સપ્ટેમ્બર 2026: સોમાલિયાના પુન્ટલેન્ડ પ્રદેશના અધિકારીઓએ મંગળવારે જણાવ્યું હતું કે, સુરક્ષા દળો દ્વારા મુક્ત કરાવવામાં આવે તે પહેલાં સોમાલી ચાંચિયાઓએ પેટ્રોલિયમ ઉત્પાદનો લઈ જતા અપહૃત ટેન્કર ‘MT Honor 25’ ના પાંચ ક્રૂ સભ્યોની હત્યા કરી નાખી હતી.
પન્ટલેન્ડના અધિકારીઓએ જણાવ્યું હતું કે મંગળવારે તેમણે મે મહિનામાં અપહરણ કરાયેલા અન્ય એક જહાજને પણ મુક્ત કરાવ્યું હતું. ચાંચિયાઓએ એપ્રિલ મહિનામાં આ જહાજને કબજે કર્યું હતું (જેમાં 17 સભ્યોનું ચાલક દળ (ક્રૂ) હતું) અને તે સમયગાળા દરમિયાન સોમાલિયામાં ચાંચિયાગીરીની ઘટનાઓમાં ફરી વધારો જોવા મળ્યો હતો.
16 ચાંચિયાઓને પણ પકડી લેવામાં આવ્યા
નિષ્ણાતો માને છે કે ઈરાન સંકળાયેલા યુદ્ધની અસર જેમાં તેલના વધતા ભાવનો પણ સમાવેશ થાય છે તે એ કારણોમાંનું એક છે જેના લીધે ટેન્કર લૂંટારુઓ આ જહાજોને નિશાન બનાવે છે. એક નિવેદનમાં, પુન્ટલેન્ડના માહિતી મંત્રાલયે જાહેરાત કરી હતી કે જહાજને સફળતાપૂર્વક બચાવી લેવામાં આવ્યું હતું અને આ કાર્યવાહી દરમિયાન 16 લૂંટારુઓને પકડી પાડવામાં આવ્યા હતા.
મૃતકોમાં એક ભારતીય પણ સામેલ
નિવેદનમાં જણાવાયું છે કે, “ઓપરેશન શરૂ થાય તે પહેલાં, જહાજ પર સવાર ચાંચિયાઓએ પાંચ ક્રૂ સભ્યોની હત્યા કરી હતી. મૃતકોમાં ત્રણ પાકિસ્તાનના, એક મ્યાનમારના અને એક ભારતનો હતો.” નિવેદન અનુસાર, ચાર ક્રૂ સભ્યો ત્રણ પાકિસ્તાની અને એક ભારતીય ઘાયલ થયા હતા.
આ બચાવ કામગીરી ગયા અઠવાડિયે હાથ ધરવામાં આવેલી અન્ય એક કામગીરી બાદ કરવામાં આવી છે, જેમાં પુંટલેન્ડના દરિયાઈ પોલીસ દળે અમેરિકાના પ્રતિબંધો હેઠળના ટેન્કર ‘સિબુ 1’ (Sibu 1) ને પાછું મેળવ્યું હતું. સોમાલી ચાંચિયાઓએ ઓગસ્ટ મહિનામાં આ ટેન્કરનું અપહરણ કર્યું હતું.
આ બે બચાવ કામગીરી બાદ, સોમાલિયાના દરિયાકાંઠે ચાંચિયાઓ દ્વારા કબજે કરાયેલા કુલ છ જહાજોમાંથી પાંચ જહાજોને હવે પાછા મેળવી લેવામાં આવ્યા છે. 2008 અને 2014 વચ્ચે ચાંચિયાગીરીના અગાઉના દોરને કારણે વિશ્વના સૌથી વ્યસ્ત જહાજી માર્ગોમાંથી એક ખોરવાઈ ગયું હતું, જેનાથી વૈશ્વિક અર્થતંત્રને અબજો ડોલરનું નુકસાન થયું હતું અને કરોડો ડોલરની ખંડણી ચૂકવવી પડી હતી.
વધુ વાંચો: ભોપાલમાં રિટાયર્ડ IAS અધિકારીની ઘાતકી હત્યા, ઘટના બાદ નોકર ગાયબ
