Homeગુજરાતીકોરોના વેરિયન્ટને લઈને ભારતબાયોટેકનું નિવેદન

કોરોના વેરિયન્ટને લઈને ભારતબાયોટેકનું નિવેદન

  • કોરોનાના વેરિયન્ટને લઈને ભારત બાયોટેકનું નિવેદન
  • કોવેક્સિન છે વેરિયન્ટ પર અસરકારક
  • ત્રણ દિવસ સુધી તાવ ન આવે તો વ્યક્તિને કરો ડિસ્ચાર્જ – ભારત બાયોટેક

અમદાવાદ: કોરોનાવાયરસના વેરિયન્ટના કારણે વિશ્વમાં તબાહી મચી ગઈ છે, લોકો તો પરેશાન છે જ પણ સાથે તમામ દેશની સરકાર પણ પરેશાન છે. આવામાં ભારત બાયોટેક દ્વારા નિવેદન આપવામાં આવ્યું છે જે લોકોમાં રાહત કરી શકે છે. ભારત બાયોટેક દ્વારા કહેવામાં આવ્યું છે કે કોવેક્સીનનો બૂસ્ટર ડોઝ કોરોના વાયરસના ઓમિક્રોન અને ડેલ્ટા વેરિયન્ટની અસરોને સંપૂર્ણપણે નિષ્ક્રિય કરે છે. હાથ ધરવામાં આવેલા પરીક્ષણમાં જાણવા મળ્યું છે કે ભારત બાયોટેક દ્વારા ઉત્પાદિત COVAXIN (BBV152) નો બૂસ્ટર ડોઝ SARS-CoV-2 ના ડેલ્ટા અને ઓમિક્રોન વેરિયન્ટ્સને સંપૂર્ણપણે નિષ્ક્રિય કરે છે.

બીજી તરફ સ્વાસ્થ્ય મંત્રાલય દ્વારા પણ કહેવામાં આવ્યું છે કે કોરોના દર્દીઓને ત્રણ દિવસ સુધી સતત તાવ ન આવતા દર્દીને હોસ્પિટલમાંથી રજા આપી શકાશે. સતત 3 દિવસ સુધી સકારાત્મક પરીક્ષણ કર્યાના ઓછામાં ઓછા 7 દિવસ પછી અને બિન-ઇમરજન્સી પછી હળવા કેસ છે, તેમને ડિસ્ચાર્જ કરતા પહેલા પરીક્ષણ કરવાની જરૂર નથી.

દેશમાં કોરોના વાયરસના સંક્રમણના ગઈ કાલે 1,94,720 નવા કેસ સામે આવ્યા પછી, ચેપગ્રસ્ત લોકોની કુલ સંખ્યા વધીને 3,60,70,510 થઈ ગઈ છે, જેમાંથી 4,868 કેસ ઓમિક્રોન સ્વરૂપના છે. કેન્દ્રીય સ્વાસ્થ્ય મંત્રાલયે બુધવારે આ જાણકારી આપી. સવારે 8 વાગ્યે અપડેટ કરાયેલા ડેટા અનુસાર, દેશમાં સારવાર હેઠળના દર્દીઓની સંખ્યા 9,55,319 નોંધાઈ છે, જે છેલ્લા 211 દિવસમાં સૌથી વધુ છે. ઉપરાંત, વધુ 442 દર્દીઓના મોત સાથે કોવિડ-19ના મૃત્યુઆંક 4,84,655 પર પહોંચી ગયો છે.

spot_img
spot_img
સંબંધિત લેખો
spot_img
spot_img

Most Popular

spot_img