દિલ્હી:રાષ્ટ્રપતિ ભવનમાં આવેલ મુગલ ગાર્ડન હવે અમૃત ઉદ્યાન તરીકે ઓળખાશે.કહેવામાં આવી રહ્યું છે કે અમૃત મહોત્સવ અંતર્ગત મુગલ ગાર્ડનનું નામ બદલવામાં આવ્યું છે.તે દર વર્ષે સામાન્ય લોકો માટે ખુલે છે. આ વર્ષે પણ તે 31મી જાન્યુઆરીથી ખુલશે. ટ્યૂલિપ્સ અને ગુલાબની વિવિધ પ્રજાતિઓના ફૂલો જોવા લોકો અહીં આવે છે.
રાષ્ટ્રપતિ ભવન સ્થિત અમૃત ઉદ્યાન પ્રવાસીઓ માટે આકર્ષણનું મોટું કેન્દ્ર છે.અહીં બ્રિટિશ અને મુગલ બંને ગાર્ડનની ઝલક જોઈ શકાય છે.તેને બનાવવા માટે, એડવિન લ્યુટિયન્સે સૌ પ્રથમ દેશ અને વિશ્વના બગીચાઓનો અભ્યાસ કર્યો.આ બગીચામાં રોપા વાવવામાં એક વર્ષ જેટલો સમય લાગ્યો હતો.
વાસ્તવમાં સરકારો સમયાંતરે અનેક સ્થળોના નામ બદલતી રહે છે.આ ક્રમમાં, ઘણી ઇમારતો, સંસ્થાઓ અને રસ્તાઓના નામ બદલવામાં આવ્યા છે.ઔરંગઝેબ રોડનું નામ બદલીને અબ્દુલ કલામ રોડ, આયોજન પંચનું નામ નીતિ આયોગ, રેસકોર્સ રોડનું નામ લોક કલ્યાણ માર્ગ અને ફિરોઝ શાહ કોટલા સ્ટેડિયમનું નામ અરુણ જેટલી સ્ટેડિયમ રાખવામાં આવ્યું છે.
રાયસીના હિલ્સમાં સ્થિત રાષ્ટ્રપતિ ભવનની અંદર 15 એકરમાં અમૃત ઉદ્યાન છે, જેમાં ગુલાબ, વિવિધ ફૂલો, સેન્ટ્રલ લૉન એન્ડ લોગ, સર્ક્યુલર, આધ્યાત્મિક, હર્બલ (33 ઔષધીય છોડ), બોંસાઈ (250 છોડ), કેક્ટસ (80 જાતો) અને નક્ષત્ર ગાર્ડન (27 જાતો)નો સમાવેશ થાય છે. આ ઉપરાંત લગભગ 160 જાતોના પાંચ હજાર વૃક્ષોનો પણ અહીં સમાવેશ કરવામાં આવ્યો છે.આ ઉપરાંત અહીં નક્ષત્ર ગાર્ડન પણ છે, પરંતુ સામાન્ય લોકો અહીં ફેબ્રુઆરીથી માર્ચના નિર્ધારિત દિવસોમાં જ આવી શકે છે.આ પછી અહીંનો દરવાજો બંધ થઈ જાય છે.
જો તમે મેટ્રો દ્વારા અમૃત ઉદ્યાન જવા માંગો છો તો તમારા માટે સૌથી નજીકનું મેટ્રો સ્ટેશન સેન્ટ્રલ સેક્રેટરીએટ હશે.અમૃત ઉદ્યાનમાં એન્ટ્રી ફ્રી છે, તમે તમારા પાર્ટનર સાથે સારો સમય વિતાવી શકો છો.અમૃત ઉદ્યાન સોમવારે સફાઈ માટે બંધ રહે છે, તેથી તમારે આ દિવસે આવવું જોઈએ નહીં, તેમજ અહીં ખાવા-પીવાની વસ્તુઓ લઈ જવાની સખત મનાઈ છે.
