ટોરેન્ટ ફાર્માસ્યુટિકલ્સે સેમાગ્લૂટાઇડના ઓરલ અને ઇન્જેક્ટેબલ સ્વરૂપો લોન્ચ કર્યા
અમદાવાદ, 21 માર્ચ 2026: ટોરેન્ટ ફાર્માસ્યુટિકલ્સે આજે ભારતમાં તેના સેમાગ્લૂટાઇડ બ્રાન્ડ્સ – સેમ્બોલિક અને સેમાલિક્સ – ને ઓરલ અને ઇન્જેક્ટેબલ બંને સ્વરૂપોમાં લોન્ચ કરવાની જાહેરાત કરી છે. આ લોન્ચ સાથે કંપનીએ ટાઇપ-2 ડાયાબિટીસ અને મેદસ્વિતા જેવા મેટાબોલિક રોગોના ક્ષેત્રમાં પોતાની હાજરી વધારી છે.
લૉન્ચ અંગે ટિપ્પણી કરતા, અમલ કેલશિકર, સીઈઓ – ઇન્ડિયા બિઝનેસ, ટોરેન્ટ ફાર્મા, એ જણાવ્યું કે, “મેટાબોલિક રોગો ભારતમાં સૌથી મોટા આરોગ્ય પડકારોમાંના એક છે, જ્યાં આપણી વસ્તીનો મોટો હિસ્સો ટાઇપ-2 ડાયાબિટીસથી પ્રભાવિત છે. જીએલપી-1 થેરાપી સેગમેન્ટમાં અમારો પ્રવેશ, જટિલ મેટાબોલિક પરિસ્થિતિઓનું સારવાર કરતા ડૉક્ટર્સ માટે કિફાયતી કિંમતે વધુ વિકલ્પો ઉપલબ્ધ કરાવવાની ટોરેન્ટની પ્રતિબદ્ધતા દર્શાવે છે. અમને ગર્વ છે કે અમે આ સારવાર ઓરલ અને ઇન્જેક્ટેબલ બંને સ્વરૂપોમાં આપી રહ્યા છીએ, જે ડૉક્ટર્સને દર્દીઓની સારવાર માટે વધુ સારા વિકલ્પો આપે છે.”
જીએલપી-1 (ગ્લુકાગોન-લાઈક પેપ્ટાઇડ-1) રિસેપ્ટર એગોનિસ્ટ, ટાઇપ 2 ડાયાબિટીસ અને મોટાપાના મેનેજમેન્ટ માટે વપરાતી પ્રિસ્ક્રિપ્શન દવાઓ છે. આ દવાઓ ઇન્સ્યુલિન વધારવામાં, ગ્લુકાગોન ઘટાડવામાં અને ભૂખ નિયંત્રિત કરવામાં મદદ કરે છે. આ દવાઓ હિમોગ્લોબિન A1c (HbA1c) ઘટાડવામાં, વજન ઓછું કરવામાં અને જીએલપી-1 હોર્મોન જેવી અસર કરીને હૃદયસંબંધિત સમસ્યાઓનો જોખમ ઘટાડવામાં અસરકારક સાબિત થઈ છે.
