શ્રીનગરમાં એન્કાઉન્ટર દરમિયાન બે આતંકીનો ઠાર,અમરનાથ યાત્રા હતી નિશાન  

• શ્રીનગરમાં સુરક્ષા દળોને મળી મોટી સફળતા  
• પોલીસે લશ્કરના બે આતંકવાદીઓને ઠાર કર્યા 
• 30 જૂનથી શરૂ થનારી અમરનાથ યાત્રા હતી નિશાન 
• આ વર્ષે અત્યાર સુધીમાં ખીણમાં 100 આતંકીઓને ખતમ કર્યા 

શ્રીનગર:જમ્મુ-કાશ્મીરના શ્રીનગરના બેમિના વિસ્તારમાં સોમવારે મોડી રાત્રે સુરક્ષા દળો અને આતંકવાદીઓ સાથેની અથડામણમાં આતંકવાદી સંગઠન લશ્કર-એ-તૈયબાના બે આતંકવાદીઓ માર્યા ગયા હતા.આ દરમિયાન એક પોલીસકર્મીને પણ ગંભીર ઈજાઓ પહોંચી છે.પોલીસે કહ્યું કે,તેમનો ઈરાદો 30 જૂનથી શરૂ થનારી અમરનાથ યાત્રાને નિશાન બનાવવાનો હતો.શ્રીનગરમાં નાગરિકો પર સતત થઈ રહેલા હુમલા વચ્ચે આ એન્કાઉન્ટર થયું હતું. કાશ્મીરના આઈજીપી વિજય કુમારે જણાવ્યું હતું કે,પાકિસ્તાન સ્થિત માસ્ટરોએ હુમલાને અંજામ આપવાના ઈરાદાથી પહેલગામ અનંતનાગથી સ્થાનિક આતંકવાદી આદિલ હુસૈન મીર સાથે લશ્કર-એ-તૈયબાના બે પાકિસ્તાની આતંકવાદીઓને મોકલ્યા હતા.

અગાઉ, જમ્મુ અને કાશ્મીરમાં તાજેતરમાં બે પોલીસકર્મીઓની હત્યામાં સામેલ લશ્કર-એ-તૈયબાના આતંકવાદી આદિલ પરે રવિવારે પોલીસ સાથેની અથડામણમાં માર્યો ગયો હતો.આ સાથે જમ્મુ-કાશ્મીરમાં અલગ-અલગ એન્કાઉન્ટરમાં માર્યા ગયેલા આતંકવાદીઓની સંખ્યા એક જ દિવસમાં ત્રણ થઈ ગઈ છે.પોલીસ પ્રવક્તાએ જણાવ્યું હતું કે,શ્રીનગરની બહારના વિસ્તારમાં એક આતંકવાદીની હિલચાલની માહિતીના આધારે શ્રીનગર પોલીસની એક વિશેષ ટીમને સર્ચ કરવા માટે તૈનાત કરવામાં આવી હતી.

પોલીસના જણાવ્યા અનુસાર, શનિવારે કુલગામમાં એક આતંકવાદી માર્યો ગયો હતો, જ્યારે બીજો પુલવામામાં માર્યો ગયો હતો. તેમણે કહ્યું કે રવિવારે સવારે પુલવામા એન્કાઉન્ટરમાં બે આતંકવાદીઓ માર્યા ગયા હતા, જ્યારે પરેને ક્રેશેબલ પાલપોરામાં ઠાર કરવામાં આવ્યા હતા. આ સાથે છેલ્લા 24 કલાકમાં ઘાટીમાં માર્યા ગયેલા આતંકવાદીઓની સંખ્યા વધીને પાંચ થઈ ગઈ છે.આ વર્ષે ઘાટીમાં અત્યાર સુધીમાં 100 આતંકવાદીઓ માર્યા ગયા છે.એક પોલીસ પ્રવક્તાએ જણાવ્યું કે, દક્ષિણ-કાશ્મીરના પુલવામા જિલ્લાના દ્રબગામ ગામમાં આતંકવાદીઓની હાજરીની માહિતી મળ્યા બાદ સુરક્ષા દળોએ શનિવારે વિસ્તારને ઘેરી લીધો અને સર્ચ ઓપરેશન શરૂ કર્યું