ઉત્તરપ્રદેશ ચૂંટણીઃ નાયબમુખ્યમંત્રી કેશવ પ્રસાદ મૌર્યએ અખિલેશ યાદવ ઉપર કર્યાં આકરા પ્રહાર

લખનૌઃ ઉત્તર પ્રદેશમાં આગામી દિવસોમાં વિધાનસભાની ચૂંટણી યોજાવાની છે. યોગી સરકાર સહિત તમામ રાજકીય પક્ષો ચૂંટણી જીતવા માટે પૂરા પ્રયાસ કરી રહ્યા છે. તે જ સમયે, રાજકીય પક્ષો વચ્ચે શબ્દ યુદ્ધ પણ આ દિવસોમાં તેજ જોવા મળી રહ્યું છે. ઉત્તર પ્રદેશના ઉપમુખ્યમંત્રી કેશવ પ્રસાદ મૌર્યએ અખિલેશ યાદવ પર જોરદાર પ્રહારો કર્યા છે. તેણે કહ્યું કે તેને ન તો કોરોનાની રસી પસંદ છે કે ન તો કપાળ ઉપર તીલક.

હકીકતમાં, કેશવ પ્રસાદ મૌર્યએ થોડા સમય પહેલા ટ્વીટ કરીને સમાજવાદી પાર્ટીના વડા અખિલેશ યાદવ પર પ્રહાર કરતા કહ્યું હતું કે, અખિલેશ યાદવ જી, તમને ન તો કોરોનાની રસી પસંદ છે અને ન તો કપાળ ઉપર તિલક પસંદ છે. અગાઉ હાપુડમાં કેશવ પ્રસાદે દાવો કર્યો હતો કે જે સાયકલ સત્તામાં આવવાની કોશિશ કરી રહી હતી તે પંકચર થઈ ગઈ છે. લક્ષ્મીજી ક્યારેય તૂટેલા વાહન પર સવારી કરતા નથી. ઉત્તર પ્રદેશમાં લક્ષ્મીજી ફરી કમળ પર બિરાજમાન થઈ રહ્યા છે.

નાયબ મુખ્યમંત્રીએ વધુમાં જણાવ્યું હતું કે, વર્ષ 2022માં વિપક્ષી પાર્ટીઓનો સફાયો થઈ જશે અને આ ચૂંટણી 2024ની લોકસભાની ચૂંટણીનો માર્ગ સાફ કરશે. ઉત્તર પ્રદેશની સમૃદ્ધિ માટે વર્ષ 2022ની ચૂંટણી જીતવી જરૂરી છે. નાયબ મુખ્યમંત્રી મતદાર સંવાદ સભાને સંબોધી રહ્યા હતા. તેમણે દાવો કર્યો હતો કે કેન્દ્ર અને રાજ્ય સરકારોની કલ્યાણકારી યોજનાઓ વચ્ચે કોઈ ભેદભાવ નથી. કોઈપણ જાતના ભેદભાવ વગર તમામ યોજનાઓ અમલમાં મુકવામાં આવી છે. રાજ્યમાં યોગી સરકારે ગુંડારાજનો અંત આણ્યો છે અને ઉત્તર પ્રદેશમાં કુશાસન અને ભ્રષ્ટાચાર છે.