1. Home
  2. ગુજરાતી
  3. ગુજરાત
  4. વડોદરાના વડિયા ગામે પ્રા. આરોગ્ય કેન્દ્રને કોઈ શખસે આગ લગાવી, દવાઓ, કોમ્પ્યુટર બળીને ખાક
વડોદરાના વડિયા ગામે પ્રા. આરોગ્ય કેન્દ્રને કોઈ શખસે આગ લગાવી, દવાઓ, કોમ્પ્યુટર બળીને ખાક

વડોદરાના વડિયા ગામે પ્રા. આરોગ્ય કેન્દ્રને કોઈ શખસે આગ લગાવી, દવાઓ, કોમ્પ્યુટર બળીને ખાક

0
Social Share

વડોદરાઃ જિલ્લાના વડિયા ગામમાં પ્રાથમિક આરોગ્ય કેન્દ્રને કોઈ અજાણ્યા શખસે આગ લગાવી દેતા ચકચાર મચી ગઇ હતી. આગમાં દવાઓ, દર્દીઓના મહત્વના રેકોર્ડ, કમ્પ્યુટર, સહિતનો સામાન ખાક થઇ ગયો હતો. આ બનાવ અંગે PHCના તબીબે સાવલી પોલીસ સ્ટેશનમાં ફરિયાદ નોધાવતા પોલીસે તપાસ હાથ ધરી છે.

આ બનાવની વિગતો એવી જાણવા મળી છે કે, વડોદરા જિલ્લાના વડિયા ગામે આવેલા પ્રાથમિક આરોગ્ય કેન્દ્રમાં રાતના સમયે તાળાં તોડીને આગ લગાવી હતી. આ અંગે સાવલી પોલીસ મથકમાં ડો. ચેતનાબેન પંચાલે નોંધાવેલી ફરિયાદ મુજબ હાલ તેઓ પ્રાથમિક આરોગ્ય કેન્દ્ર વડીયામાં મેડીકોલીગલ અને વહીવટી કામ સંભાળી રહ્યા છે. ગત તા. 10, જુનના રોજ તે સમલાયા પીએચસી ખાતે ફરજ પર હતા. આ દરમિયાન સવારે વડીયા કેન્દ્રમાંથી ડો. ધિરેન્દ્રસિંહનો ફોન આવ્યો હતો. અને જણાવ્યું કે, કોમ્પ્યુટર રૂમનું તાળુ તુટેલું છે અને રૂમની અંદર સળગેલી હાલતમાં વાસ આવી રહી છે. બાદમાં તેમણે અંદર જઇ તપાસ કરતા એસી, કોમ્પ્યુટર સેટ, પ્રિન્ટર, ખુરશી, રેકોર્ડ ભરેલા થેલા, ફીંગર સ્કેનર, રાઉટર, દૈનિક વપરાશની દવાઓ આગમાં નુકશાન પામ્યું હોવાનું ધ્યાને આવ્યું હતુ. કોઇ અજાણ્યા શખ્સે પ્રાથમિક આરોગ્ય કેન્દ્ર વડીયા હોસ્પિટલના ટેરેસ પર જવાના લાકડાના દરવાજાની સ્ટોપર તોડી અંદર પ્રવેશ કરી તમામ સામાન સળગાવી દઇને રૂપિયા 1.02 લાખનું નુકશાન પહોંચાડ્યું હતું. જેને લઇને સાવલી પોલીસ મથકમાં અજાણ્યા શખ્સ સામે ગુનો નોંધવામાં આવ્યો છે. જે બાદ પોલીસે સમગ્ર મામલે વધુ કાર્યવાહી હાથ ધરી હોવાનું જાણવા મળી રહ્યું છે.

વડિયા પ્રાથમિક આરોગ્ય કેન્દ્રમાં સીસીટીવી કેમેરા પણ નથી. પોલીસે વધુ તપાસ હાથ ધરી છે.
આરોગ્ય કેન્દ્રમાં મહત્વની દવાઓ, દર્દીઓના મહત્વના રેકોર્ડ સહિતની સામાન રાખવામાં આવતો હોય છે. જેને લઇને અલાયદી સુરક્ષા પણ જરૂરી છે. આ કિસ્સો સામે આવતા આરોગ્ય કેન્દ્ર પર ચોક્કસ સુરક્ષા વ્યવસ્થા મુકવા માટેની લોકમાંગ ઉઠવા પામી છે. (પ્રતિકાત્મક તસવીર)

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code