NDRFના જવાનો દુનિયાભરમાં જ્યાં પણ ગયા છે, તેમણે પ્રેમ અને વિશ્વાસ મેળવ્યો છે: ગૃહમંત્રી
નવી દિલ્હી, 14 મે 2026: NDRF personnel ગાઝિયાબાદમાં NDRFને ‘પ્રેસિડેન્ટ્સ કલર્સ’ પુરસ્કાર સમારોહમાં કેન્દ્રીય ગૃહમંત્રી અમિત શાહ દ્વારા સંબોધન કરવામાં આવ્યું. તેમણે NDRFના વખાણ કરતા કહ્યું કે, NDRFના જવાનો દેશ અને દુનિયામાં જ્યાં ક્યાંય પણ ગયા છે, ત્યાં તેમણે પ્રેમ અને વિશ્વાસ સંપાદિત કર્યો છે.
કેન્દ્રીય ગૃહમંત્રી અમિત શાહે જણાવ્યું કે, NDRFને પ્રેસિડેન્ટ્સ કલર એવોર્ડ મળવો એ NDRFના સમગ્ર દળની સેવા, સાહસ, શૌર્ય અને સમર્પણના સંચિત ગુણોનું સન્માન છે. 20 વર્ષના કાર્યકાળમાં આપત્તિ બચાવના ક્ષેત્રમાં ભારતને વૈશ્વિક નકશા પર સ્થાપિત કરવાનું કામ NDMA અને NDRFએ કર્યું છે. આ આપણા બધા માટે ગૌરવની વાત છે, પરંતુ મારા માટે દેશના ગૃહમંત્રી તરીકે આ વિશેષ ગૌરવનો વિષય છે. દેશમાં ક્યાંય પણ આપત્તિ આવી હોય કે આપત્તિ આવવાની હોય, જ્યારે NDRFના જવાનો ત્યાં પહોંચે છે, ત્યારે દેશની જનતા રાહતનો શ્વાસ લે છે કે હવે તેમનો બચાવ થઈ જશે.
તેમણે કહ્યું કે, હું આજે દેશભરના તમામ CAPFના જવાનોને પણ ખૂબ-ખૂબ અભિનંદન આપવા માંગુ છું કે આ વર્ષે વરસાદ પહેલા CAPFના તમામ જવાનોએ દેશભરમાં 7 કરોડથી વધુ વૃક્ષો લગાવવાનું કામ કર્યું છે. આ તમામ CAPFના માનવીય દ્રષ્ટિકોણ અને પર્યાવરણ પ્રત્યેની જાગૃતિનું પ્રતીક છે. પીએમ મોદીના નેતૃત્વમાં આપણે એવી સ્થિતિમાં આવ્યા છીએ કે હવે આપણે ‘ઝીરો કેઝ્યુઆલિટી’ની દિશામાં આગળ વધી શકીએ છીએ. જે આપત્તિની આગાહી અને હવામાન વિભાગ પાસેથી અંદેશો મળી જાય છે, ત્યાં જન અને ધનની સુરક્ષા સુનિશ્ચિત કરવી એ અમારો લક્ષ્ય છે.
અમિત શાહે કહ્યું કે પીએમ મોદીની પ્રેરણાથી ‘ડિઝાસ્ટર રેઝિલિયન્ટ ઇન્ફ્રાસ્ટ્રક્ચર’ના ક્ષેત્રમાં ભારતે વૈશ્વિક સ્તરે નેતૃત્વ કર્યું છે. CDRIના આજે 48 દેશો સભ્ય બની ચૂક્યા છે અને ભારત સાથે મળીને આ દિશામાં કાર્ય કરી રહ્યા છે. વૈશ્વિક સ્તરે પણ આપત્તિ વ્યવસ્થાપનના ક્ષેત્રમાં ભારત આજે નિર્વિવાદ રૂપે એક ‘ગ્લોબલ લીડર’ અને ‘ફર્સ્ટ રિસ્પોન્ડર’ તરીકે ઉભરી આવ્યું છે. ‘વસુધૈવ કુટુંબકમ’ને વ્યવહારમાં ઉતારીને ધરાતલ પર લાગુ કરવામાં આવ્યું છે.
મોદી સરકાર દ્વારા પ્રસ્તુત 10-સૂત્રીય એજન્ડાએ દેશમાં ડિઝાસ્ટર રિસ્ક મેનેજમેન્ટને એક નવી દિશા પ્રદાન કરી છે. આના માધ્યમથી રિસ્ક મેપિંગ, અર્લી વોર્નિંગ, કમ્યુનિટી પાર્ટિસિપેશન અને ગાઈડલાઈન્સના નિર્માણ જેવા ક્ષેત્રોને મજબૂતી મળી છે. એક સમય હતો જ્યારે આપત્તિ વ્યવસ્થાપનનું કાર્ય માત્ર આપત્તિ આવ્યા પછી રાહત અને બચાવ સુધી સીમિત રહેતું હતું, એટલે કે પ્રતિક્રિયા રાહત-આધારિત જ હતી. હવે અમારો પ્રયાસ રિએક્ટિવ (પ્રતિક્રિયાત્મક) નહીં, પરંતુ પ્રિવેન્ટિવ (નિવારક) અને પ્રોડક્ટિવ થઈ ગયો છે. આજે કેટલાક ‘આપદા મિત્ર’ પણ અહીં ઉપસ્થિત છે. કોમ્યુનિટી-બેઝ્ડ આપત્તિ રિસ્પોન્સને મજબૂત કરવા માટે આપદા મિત્રોની આ ટોળી દરેક ખતરાનો મુકાબલો કરવામાં ઉપયોગી થશે.
