નવી દિલ્હી: ચીનના દક્ષિણ પ્રાંત યુનાનમાં સવારે એક દુ:ખદ ટ્રેન અકસ્માત થયો હતો, જેમાં 11 લોકોના મોત થયા અને બે લોકો ઘાયલ થયા.
આ અકસ્માત રેલ્વે કર્મચારીઓના ગ્રુપ સાથે અથડાવાને કારણે થયો હતો, જેમાં અન્ય બે લોકો પણ ઘાયલ થયા હતા. કુનમિંગ શહેરના લુઓયાંગ ટાઉન રેલ્વે સ્ટેશનની અંદર એક વળાંકવાળા ભાગમાં પાટા પર ઘૂસી ગયેલા કામદારો ભૂકંપ માપવાના સાધનોનું પરીક્ષણ કરી રહી હતી ત્યારે આ ઘટના બની હતી.
ચાઇના સેન્ટ્રલ ટેલિવિઝનના રિપોર્ટ મુજબ, દક્ષિણપશ્ચિમ ચીનના યુનાન પ્રાંતની રાજધાની કુનમિંગમાં લુઓયાંગ ટાઉન રેલ્વે સ્ટેશનના વળાંકવાળા ભાગમાં વહેલી સવારે ભૂકંપના સંકેતો શોધતી એક પરીક્ષણ ટ્રેન ટ્રેક પર બાંધકામ કામદારો સાથે અથડાઈ હતી. આ અકસ્માતમાં 11 લોકોના મોત થયા હતા અને 2 લોકો ઘાયલ થયા હતા.
અકસ્માત બાદ તરત જ રેલવે અધિકારીઓ અને બચાવ ટીમો ઘટના સ્થળે પહોંચી ગઈ હતી અને પીડિતો માટે બચાવ કામગીરી શરૂ કરી હતી. ઘાયલોની સારવાર અને સંબંધિત કામગીરી સરળતાથી ચાલી રહી છે.
હાલમાં, સ્ટેશન પર સામાન્ય પરિવહન સેવાઓ ફરી શરૂ થઈ ગઈ છે. અકસ્માતના ચોક્કસ કારણની તપાસ ચાલુ છે. જવાબદારો સામે કાયદા અને નિયમો અનુસાર કાર્યવાહી કરવામાં આવશે.