જીવનમાં લાખો મુશ્કેલીઓ આવી શકે છે, પરંતુ જેને જીતવું છે, તે જીતે છે. કેટલાક લોકો તેમના લક્ષ્યને પ્રાપ્ત કરવા માટે એટલા સમર્પિત છે કે તેઓ અન્ય લોકો માટે ઉદાહરણ બની જાય છે. આવા લોકો પોતાની મહેનત અને સમર્પણથી ઈતિહાસ રચે છે. આવો જ એ છોકરો છે તેલંગાનાનો કે પોતાની જીદથી દુનિયામાં તેનું નામ ઉજ્જવળ કરવા માગે છે, આ માટે તે રાત-દિવસ મહેનત કરી રહ્યો છે. રોજ સવારે તે લોકોના ઘરમાં અખબારો મૂકે છે, પછી અભ્યાસ કરે છે. આનો અર્થ એ છે કે કમાણી સાથે, તેની જરૂરિયાતો પૂરી કરવા માટે, તે અભ્યાસ પણ કરી રહ્યો છે.
આ બાળકનું નામ જય પ્રકાશ છે. તે તેલંગણાના જગતીયાલનો રહેવાસી છે. જય પ્રકાશ રોજ સવારે લોકોના ઘરમાં અખબારો મુકવાનું કામ કરે છે. આનો એક વીડિયો સોશિયલ મીડિયા પર વાયરલ થઈ રહ્યો છે.
Loved this video from Jagtial Town
This young lad a Govt school student called Jai Prakash; loved his confidence, composure and clarity of thought & expression 👏👏
He says what’s wrong in working while studying & goes on to say it’ll keep him in good stead in future pic.twitter.com/Ug4wYIGn8a
— KTR (@KTRBRS) September 23, 2021
આ વીડિયો તેલંગણાના મંત્રી કેટી રામારાવે પોતાના સત્તાવાર ટ્વિટર પર શેર કર્યો છે. શેર કરતી વખતે, તેણે કેપ્શનમાં લખ્યું છે – જગતીયાલ શહેરના આ વિડીયોએ દિલ જીતી લીધા છે. સરકારી શાળામાં ભણતા આ બાળકનું નામ જય પ્રકાશ છે. આ બાળકમાં આત્મવિશ્વાસ અને યોગ્ય વિચાર પ્રશંસનીય છે. રાવ આગળ લખે છે કે બાળક કહે છે – કામ કરતી વખતે ભણવામાં શું નુકસાન છે. આ તેના ભવિષ્યને સુરક્ષિત કરશે.
