અક્ષય કુમારની ફિલ્મ ‘મિશન સિન્ડ્રેલા’ માટે ડિઝની પ્લસ હોટસ્ટાર સાથે મોટી ડીલ
- અક્ષય કુમારની ફિલ્મ ‘મિશન સિન્ડ્રેલા’ મોંધા ભાવે વેંચાઈ
- ડિઝની પ્લસ હોટસ્ટાર સાથે થઇ મોટી ડીલ
- 135 કરોડમાં ખરીદી લીધી
મુંબઈ:અક્ષય કુમાર એક એવા અભિનેતા છે જે એક વર્ષમાં 4-5 ફિલ્મો કરી શકે છે.એ પણ વાત છે કે તે તમામ પ્રકારના મુદ્દાઓ પર ફિલ્મો બનાવી રહ્યા છે. તેની એક ફિલ્મ ‘રક્ષા બંધન’ નામથી પણ આવવાની છે, જેમાં તમને ભાઈ-બહેનનું અતૂટ બંધન જોવા મળશે.અક્ષય કુમાર પાસે આજકાલ ફિલ્મોની સારી લાઇન છે.તેની આવનારી ફિલ્મોમાં ‘બચ્ચન પાંડે’ સૌથી મહત્વની ફિલ્મ છે, જે હવે થોડા દિવસો પછી રિલીઝ થવા જઈ રહી છે. અક્ષય કુમાર આ ફિલ્મનું જોરશોરથી પ્રચાર કરી રહ્યા છે.
તાજેતરમાં તેણે એક ટ્રકને લીલી ઝંડી બતાવી છે જે મુંબઈ થઈને રાજસ્થાન અને દિલ્હી થઈને ગુરુગ્રામ પર સમાપ્ત થશે.પરંતુ આ દરમિયાન એક અન્ય સમાચાર આવી રહ્યા છે કે,અક્ષયની બીજી આગામી ફિલ્મ ‘મિશન સિન્ડ્રેલા’ મોંઘા ભાવે વેચાઈ ગઈ છે.
BIG NEWS: #AkshayKumar’s ‘Mission Cinderella’ the official remake of Ratsasan is opting for a direct-to-digital premiere via Disney+ Hotstar. pic.twitter.com/VnKTYUoPMs
— LetsOTT Global (@LetsOTT) March 10, 2022
રિપોર્ટ અનુસાર, ડિઝની પ્લસ હોટસ્ટારે ‘મિશન સિન્ડ્રેલા’ને 135 કરોડ રૂપિયામાં ખરીદી છે. અક્ષય કુમારની આ ફિલ્મ રણજીત તિવારીએ ડિરેક્ટ કરી છે. રણજીત તિવારીએ જ અક્ષય કુમારની ફિલ્મ બેલ બોટમનું નિર્દેશન કર્યું હતું.આ ફિલ્મના નિર્માતા વાશુ ભગનાની છે. અક્ષય કુમારની માતાનું મૃત્યુ આ ફિલ્મના શૂટિંગ દરમિયાન થયું હતું, જ્યારે અભિનેતા લંડનમાં હતો.’મિશન સિન્ડ્રેલા’માં અક્ષય કુમાર ઉપરાંત અભિનેત્રી રકુલ પ્રીત સિંહ મુખ્ય ભૂમિકામાં જોવા મળશે.
