દિલ્હી:વર્લ્ડ હેલ્થ ઓર્ગેનાઇઝેશને નાઇજીરીયામાં મંકીપોક્સથી પ્રથમ મૃત્યુની પુષ્ટિ કરી છે.મંગળવારે જાહેર કરાયેલા રિપોર્ટમાં કહેવામાં આવ્યું છે કે દુનિયાના 50 દેશોમાં અત્યાર સુધીમાં મંકીપોક્સના 3413 કેસ જોવા મળ્યા છે.તેમાંથી 41 નાઈજીરીયામાં સંક્રમિત છે.
ભારત માટે રાહતની વાત છે કે,અહીં મંકીપોક્સનો એક પણ દર્દી નથી.ઉત્તર પ્રદેશ-મહારાષ્ટ્ર સહિત લગભગ સાત રાજ્યોમાંથી જીનોમ સિક્વન્સિંગ માટે મોકલવામાં આવેલા સેમ્પલમાં કોઈ પોઝિટિવ રિપોર્ટ મળ્યો નથી.WHOના રિપોર્ટ અનુસાર,17 થી 22 જૂનની વચ્ચે આઠ નવા દેશોમાં 1310 કેસ નોંધાયા છે.
ભારતમાં, ગયા મહિને, આરોગ્ય મંત્રાલયે દરેક શંકાસ્પદ નમૂનાના જીનોમ સિક્વન્સિંગનો આદેશ આપ્યો હતો. નમૂનાઓને નેશનલ ઇન્સ્ટિટ્યૂટ ઓફ વાયરોલોજી (NIV), પુણેની લેબમાં મોકલવા માટે કહેવામાં આવ્યું હતું.1 મે અને 23 જૂનની વચ્ચે,16 નમૂનાઓનું પરીક્ષણ કરવામાં આવ્યું હતું,જેમાંથી એકમાં મંકીપોક્સ ચેપની પુષ્ટિ થઈ નથી.
