નવી દિલ્હી 04 જાન્યુઆરી 2026: પ્રધાનમંત્રી નરેન્દ્ર મોદી આજે વારાણસીના ડૉ. સંપૂર્ણાનંદ સ્પોર્ટ્સ સ્ટેડિયમ ખાતે 72મી રાષ્ટ્રીય વોલીબોલ ટુર્નામેન્ટનું વર્ચ્યુઅલી ઉદ્ઘાટન કરશે. ઉત્તર પ્રદેશના મુખ્યમંત્રી યોગી આદિત્યનાથ ઉદ્ઘાટન સમારોહમાં હાજરી આપશે. આ ટુર્નામેન્ટ 4 થી 11 જાન્યુઆરી સુધી યોજાશે. આ ટુર્નામેન્ટમાં 1,000 થીવધુ ખેલાડીઓ ભાગ લેશે. લગભગ 73 પુરુષ અને મહિલા ટીમો ભાગ લેશે. પૂર્વાંચલમાં આટલામોટા પાયે રાષ્ટ્રીય વોલીબોલ ચેમ્પિયનશિપનું આયોજન પહેલીવાર થઈ રહ્યું છે.
4 થી 11 જાન્યુઆરી દરમિયાન યોજાનારી આ ટુર્નામેન્ટમાં સમગ્ર ભારતમાંથી સહભાગિતા જોવા મળશે, જેમાં વિવિધ રાજ્યો અને સંસ્થાઓનું પ્રતિનિધિત્વ કરતી 58 ટીમોના ભાગરૂપે 1,000 થી વધુ ખેલાડીઓ સ્પર્ધા કરશે. આ ટુર્નામેન્ટમાં ભારતીય વોલીબોલમાં સ્પર્ધા, રમતગમતની ભાવના અને પ્રતિભાના ઉચ્ચ ધોરણો જોવા મળે તેવી અપેક્ષા છે.
વારાણસીમાં 72મી નેશનલ વોલીબોલ ટુર્નામેન્ટનું આયોજન શહેરમાં રમતગમતના માળખાને મજબૂત કરવા અને રમતગમતના વિકાસને પ્રોત્સાહન આપવા પર વધતા ભારને રેખાંકિત કરે છે. તે મુખ્ય રાષ્ટ્રીય કાર્યક્રમો માટેના હબ તરીકે શહેરની પ્રોફાઇલને વધુ વેગ આપે છે, જે નોંધપાત્ર સાંસ્કૃતિક અને રમતગમતની પહેલોના આયોજનમાં તેની વિસ્તરતી ભૂમિકાને અનુરૂપ છે.
