દહીં પાપડી ચાટ રેસીપી, આ રીતે બનાવો ચટાકેદાર નાસ્તો !

રેસીપી, 30 માર્ચ 2026: ઉનાળાની ગરમી શરુ થઇ ગઈ છે, બાળકોના સમર વેકેશન પણ પડી ગયા  છે. ત્યારે તેઓને કંઈક ચટપટું ખાવાની ઈચ્છા થાય છે, આ સમયે બાળકો પણ ખાસ વાનગીઓની વિનંતી કરે છે. જો તમે તમારા બાળકોને કંઈક મસાલેદાર અને સ્વાદિષ્ટ ખાવા માંગતા હો, તો સમર સ્પેશિયલ દહીં પાપડી ચાટ બનાવી શકો છો.

દહીં પાપડી ચાટ એક મજેદાર વાનગી છે જે ઘરે પણ બનાવી શકાય છે, ખાસ વાતએ છે એ કે જલ્દી બની જાય છે, એમાં ઓછી સામગ્રીની જરૂર પડે છે, પાપડી સિવાય એમાં તીખી, મીઠી અને ખાટી ચટણી મિક્ષ કરીને તૈયાર કરવામાં આવે છે.

દહીં પાપડી ચાટ રેસીપી

પાપડી માટે સામગ્રી

1 કપ  રિફાઇન્ડ લોટ

તેલ – જરૂર મુજબ

અડધી ચમચી મીઠું

પાણી  જરૂરિયાત મુજબ

ચાટ માટે

1 કપ બાફેલા બટાકા (નાના ટુકડામાં કાપેલા)

અડધો કપ બાફેલા ચણા

1 કપ દહીં

અડધો કપ લીલી ચટણી

અડધો કપ મીઠી આમલીની ચટણી

અડધી ચમચી શેકેલું જીરું

અડધી ચમચી લાલ મરચું પાવડર

મીઠું -સ્વાદ મુજબ

2 ચમચી સેવ

થોડી કોથમીર (સજાવટ માટે)

દહીં પાપડી ચાટ બનાવાની રીત

સૌ પ્રથમ એક બાઉલમાં મેંદો, મીઠું અને 1 ચમચી તેલ ભેળવો. થોડું થોડું પાણી ઉમેરો અને કઠણ કણક બનાવો. કણકના નાના ગોળા બનાવો. પાપડીના નાના ટુકડા કરો અને ગરમ કરેલા તેલમાં સોનેરી રંગના થાય ત્યાં સુધી તળો. કાઢીને બાજુ પર રાખો.

હવે દહીંને સારી રીતે હલાવો જ્યાં સુધી તે સરળ ન થાય. લીલી ચટણી અને મીઠી આમલીની ચટણીને અલગ રાખો.

ચાટ બનાવવા માટે, તૈયાર પાપડીને પ્લેટમાં મૂકો. ઉપર બાફેલા બટાકા અને ચણા નાખો. ફેંટેલું દહીં, લીલી ચટણી અને મીઠી ચટણી ઉમેરો. ઉપર શેકેલું જીરું પાવડર, લાલ મરચું અને મીઠું છાંટો.

હવે ચાટને કોથમીર અને સેવથી સજાવો. હોળી માટે ખાસ દહીં પાપડી ચાટ પીરસવા માટે તૈયાર છે.