Homeગુજરાતીદેશ-વિદેશઈમરાન ખાનની બહેન ઝાયન ખાનની મુશ્કેલીઓ વધી: પોલીસે OCI સ્ટેટસ અંગે તપાસ...

ઈમરાન ખાનની બહેન ઝાયન ખાનની મુશ્કેલીઓ વધી: પોલીસે OCI સ્ટેટસ અંગે તપાસ શરૂ કરી

મુંબઈ, 4 નવેમ્બર 2026: બોલિવૂડ અભિનેતા ઈમરાન ખાન બાદ હવે તેમની પિતરાઈ બહેન ઝાયન ખાનની મુશ્કેલીઓ પણ વધતી જોવા મળી રહી છે. મુંબઈ પોલીસે ફોરેનર્સ રીજનલ રજિસ્ટ્રેશન ઓફિસ (FRRO) ને એક પત્ર લખીને ઝાયન ખાનની નાગરિકતા અને ઓવરસીઝ સિટિઝન ઓફ ઈન્ડિયા (OCI) સ્ટેટસની તપાસ કરવા માટે જણાવ્યું છે. પોલીસે FRRO પાસે સ્પષ્ટતા માગી છે કે શું ઝાયન ખાન અમેરિકી નાગરિક છે અને તેમની પાસે OCI કાર્ડ છે કે નહીં. આ સમગ્ર મામલો 10 ઓક્ટોબરે મુંબઈના ઓગસ્ટ ક્રાંતિ મેદાન ખાતે આયોજિત ‘એન્ટી-CEC પ્રદર્શન’ સાથે જોડાયેલો છે. દિલ્હીમાં યોજાયેલા વિરોધ પ્રદર્શનોના સમર્થનમાં ‘હમ ભારત કે લોગ’ સંગઠન દ્વારા આ પ્રદર્શન યોજવામાં આવ્યું હતું, જેના મુખ્ય આયોજક મહાત્મા ગાંધીના પપૌત્ર તુષાર ગાંધી હતા. આ વિરોધ પ્રદર્શનમાં ઝાયન ખાને પણ ભાગ લીધો હતો.

નોંધનીય છે કે, આ જ પ્રદર્શનમાં સામેલ થવા બદલ અમેરિકી નાગરિકતા ધરાવતા અભિનેતા ઈમરાન ખાનને FRRO દ્વારા ‘લીવ ઈન્ડિયા નોટિસ’ (ભારત છોડવાની નોટિસ) જારી કરવામાં આવી ચૂકી છે, જે મામલો હાલ બોમ્બે હાઈકોર્ટમાં વિચારાધીન છે. આ ઉપરાંત, નિયમોના ઉલ્લંઘનના આરોપ હેઠળ તેમનું OCI રજીસ્ટ્રેશન કેમ રદ ન કરવું તે અંગે સરકારે તેમને ‘શો-કોઝ’ (કારણ દર્શાવો) નોટિસ પણ આપી છે. ઘટનાના દિવસે ગામદેવી પોલીસે 12 નામાંકિત અને 350 થી વધુ અજાણ્યા લોકો સામે એફઆઈઆર નોંધી હતી. પ્રદર્શન દરમિયાન પોલીસે ઝાયન ખાન, ઈમરાન ખાન અને લેખા વોશિંગ્ટનને નાના ચોક ખાતેથી કસ્ટડીમાં લીધા હતા અને પોલીસ વાનમાં લઈ ગયા હતા. જોકે, બાદમાં ઝાયન ખાનને મુક્ત કરવામાં આવ્યા હતા. કસ્ટડીમાંથી છૂટ્યા બાદ ઝાયને સોશિયલ મીડિયા પર વીડિયો જારી કરીને સરકારના વલણ સામે વિરોધ નોંધાવ્યો હતો.

  • જાણીતા ડિરેક્ટર મન્સૂર ખાનના પુત્રી છે ઝાયન ખાન

ઝાયન ખાન બોલિવૂડના જાણીતા ફિલ્મ નિર્દેશક મન્સૂર ખાનના પુત્રી અને સુપરસ્ટાર આમિર ખાનના ભત્રીજી થાય છે. તેમણે વર્ષ 2020 માં નેટફ્લિક્સની થ્રિલર ફિલ્મ ‘મિસ સીરિયલ કિલર’થી પોતાની એક્ટિંગ કરિયરની શરૂઆત કરી હતી અને ત્યારબાદ તેઓ કેટલીક ફિલ્મો તથા વેબ સીરિઝમાં જોવા મળ્યા છે.

spot_img
spot_img
સંબંધિત લેખો
spot_img
spot_img

Most Popular

spot_img