નવી દિલ્હી, 09 ઓક્ટોબર 2026: મહારાષ્ટ્રના પુણેમાં આવેલા તેમના ફાર્મહાઉસ ‘નાનાચી વાડી’ ખાતે દિગ્ગજ અભિનેતા નાના પાટેકરના અંતિમ સંસ્કાર સંપૂર્ણ રાજકીય સન્માન સાથે કરવામાં આવ્યા હતા. તેમના પુત્ર મલ્હાર પાટેકરે પરિવારના સભ્યો, સંબંધીઓ, મિત્રો અને ચાહકોની હાજરીમાં રાત્રે લગભગ 11:30 વાગ્યે અંતિમ વિધિ સંપન્ન કરી હતી. અંતિમ સંસ્કાર પૂર્વે, દિવંગત અભિનેતાને ઔપચારિક ‘ગાર્ડ ઓફ ઓનર’ આપવામાં આવ્યું હતું.
પુણે એરપોર્ટ પર નાના પાટેકરના પાર્થિવ દેહના આગમન સમયે મુખ્યમંત્રી દેવેન્દ્ર ફડણવીસ, નાયબ મુખ્યમંત્રી એકનાથ શિંદે અને સુનેત્રા પવારે તેમને શ્રદ્ધાંજલિ આપી હતી. અંતિમ સંસ્કાર વખતે ફિલ્મ જગતની અનેક હસ્તીઓ પણ ઉપસ્થિત હતી; જેમાં અભિનેતા પ્રવીણ તરડે અને મકરંદ અનાસપુરે ઉપરાંત નાના પાટેકરના મિત્રો અને સહકર્મીઓનો સમાવેશ થતો હતો.
વડાપ્રધાન નરેન્દ્ર મોદીએ નાના પાટેકરના નિધન પર શોક વ્યક્ત કર્યો. તેમણે જણાવ્યું હતું કે હિન્દી અને મરાઠી સિનેમામાં નાના પાટેકરના વિશિષ્ટ યોગદાનને પેઢીઓ સુધી યાદ રાખવામાં આવશે.
વધુ વાંચો: કચ્છમાં ગમખ્વાર અકસ્માત: બોલેરો અને ટ્રક વચ્ચે ભીષણ ટક્કર, 7 શ્રમિકોના મોત અને 20 ઘાયલ
