અમેરિકી રાષ્ટ્રપતિ તરીકે શપથ લીધા બાદ ડોનાલ્ડ ટ્રમ્પે ઘણા મહત્વપૂર્ણ નિર્ણયો પર હસ્તાક્ષર કર્યા છે. આ ક્રમમાં રાષ્ટ્રપતિ ડોનાલ્ડ ટ્રમ્પે સોમવારે પેરિસ ક્લાઈમેટ એગ્રીમેન્ટમાંથી અમેરિકાને ખસી જવાના નિર્ણયનો બચાવ કર્યો અને ચીનને જવાબદાર ગણાવ્યું. અગાઉ 2017માં તેમના પ્રથમ કાર્યકાળમાં તેમણે આ માટે ભારતને જવાબદાર ઠેરવ્યું હતું. “હું તરત જ અન્યાયી, એકતરફી પેરિસ આબોહવા સમજૂતીમાંથી ખસી રહ્યો છું કારણ કે યુનાઇટેડ સ્ટેટ્સ તેના પોતાના ઉદ્યોગોને નુકસાન પહોંચાડવા દેશે નહીં જ્યારે ચીન મુક્તિ સાથે પ્રદૂષિત કરવાનું ચાલુ રાખે છે,” રાષ્ટ્રપતિ ટ્રમ્પે રમતગમતના મેદાનમાં સમર્થકોને કહ્યું.
આ પ્રસંગે દેશના તમામ ભાગોમાંથી લોકો રાજધાનીમાં આવ્યા હતા. આ ખાસ સમારોહ સામાન્ય રીતે યુએસ કેપિટોલની બહાર યોજાય છે. પરંતુ આ વખતે, સમારોહ યુએસ કેપિટોલની અંદર ખસેડવામાં આવ્યો હતો. રાષ્ટ્રપતિ ટ્રમ્પે કહ્યું, “તમે જાણો છો કે ચીન ઘણી ગંદી ઉર્જાનો ઉપયોગ કરે છે, પરંતુ તેઓ ઘણી ઉર્જા ઉત્પન્ન કરે છે. જ્યારે તે હવામાં જાય છે, ત્યારે તે ચીનમાં રહેતું નથી, તે હવા સાથે અન્ય દેશોમાં પણ પહોંચે છે, જેમ કે અમેરિકા,,, આપણે સ્વચ્છ હવાની વાત કરીએ છીએ, ત્યારે આપણે એ પણ વિચારવું જોઈએ કે અન્ય દેશોમાંથી આવતી પ્રદૂષિત હવાનું શું થશે. જ્યાં સુધી તમામ દેશો સ્વચ્છ ઉર્જાનો ઉપયોગ ન કરે ત્યાં સુધી સ્વચ્છ હવાની વાત અર્થહીન છે.
આમ અમેરિકા ફરી એકવાર પેરિસ ક્લાઈમેટ એગ્રીમેન્ટમાંથી બહાર થઈ ગયું છે. ટ્રમ્પે ઉજવણીઓ પૂરી થાય તે પહેલાં જ પગલાં લીધાં અને બિડેન વહીવટીતંત્રના ઘણા નિયમોને રદ કરવાનાં આદેશ પર હસ્તાક્ષર કર્યા હતા. રાષ્ટ્રપતિના નિર્દેશ પર, ઘોષણાકર્તાએ કહ્યું, “રાષ્ટ્રપતિએ બિડેન વહીવટીતંત્રના 78 આદેશો, ક્રિયાઓ અને મેમોરેન્ડાને રદબાતલ કરવાના આદેશ પર હસ્તાક્ષર કર્યા છે.” આ હસ્તાક્ષર સ્ટેડિયમમાં બનેલા ખાસ પ્લેટફોર્મ પર રાષ્ટ્રપતિની મહોર સાથે કરવામાં આવ્યા હતા.