નવી દિલ્હી, 19 સપ્ટેમ્બર 2026: રાષ્ટ્રપતિ દ્રૌપદી મુર્મુએ દિલ્હી, જમ્મુ-કાશ્મીર અને લદ્દાખ, ઝારખંડ તથા કર્ણાટકની હાઈકોર્ટમાં 14 ન્યાયિક અધિકારીઓની ન્યાયાધીશ અને વધારાના ન્યાયાધીશ તરીકે નિમણૂક કરી છે. કાયદા અને ન્યાય મંત્રાલયે જણાવ્યું હતું કે આ નિમણૂકો ભારતના મુખ્ય ન્યાયાધીશ સાથે પરામર્શ કર્યા બાદ કરવામાં આવી છે. નિવેદિતા અનિલ શર્મા અને નિશા સહાય સક્સેનાની દિલ્હી હાઈકોર્ટના ન્યાયાધીશ તરીકે નિમણૂક કરવામાં આવી છે.
આ ઉપરાંત, દિલ્હી હાઈકોર્ટમાં પાંચ ન્યાયાધીશોની વધારાના ન્યાયાધીશ (એડિશનલ જજ) તરીકે નિમણૂક કરવામાં આવી છે, જ્યારે જમ્મુ-કાશ્મીર અને લદ્દાખ હાઈકોર્ટમાં એક-એક ન્યાયાધીશની નિમણૂક કરવામાં આવી છે. મનોજ પ્રસાદ, અખિલ કુમાર અને રામ શર્માની ઝારખંડ હાઈકોર્ટના ન્યાયાધીશ તરીકે નિમણૂક કરવામાં આવી છે. વધુમાં, કર્ણાટક હાઈકોર્ટમાં ત્રણ ન્યાયાધીશોની વધારાના ન્યાયાધીશ તરીકે નિમણૂક કરવામાં આવી છે.
વધુ વાંચો: ભારતે UN સુરક્ષા પરિષદમાં ઉઠાવ્યો દરિયાઈ સુરક્ષાનો મુદ્દો, વ્યાપારી અવરજવર પર તણાવ ન લાદવા અપીલ
