દિલ્હીઃ દુનિયામાં અનેક ચિત્રકારો પોતાની કલા માટે પેન્ટીંગ પ્રદર્શનનું આયોજન કરે છે. જો કે, ફિલ્મ અભિનેતા અર્જુન રામપાલે દિવાલો ઉપર દોરવામાં આવેલા પેન્ટીંગના ફોટો સોશિયલ મીડિયામાં શેર કર્યાં છે. આ ફોટો લોકોને પસંદ કરી રહ્યાં છે. આ ફોસ્ટ બ્રાઝિલના હોવાનું જાણવા મળે છે.
https://twitter.com/rampalarjun/status/1441134143216119810/photo/1
અભિનેતા અર્જુન રામપાલે બ્રાઝિલના સ્ટ્રીટ આર્ટ આર્ટિસ્ટની ઘણી પ્રશંસા કરી છે. રામપાલે પોતાની ઇન્સ્ટાગ્રામ ટાઈમલાઈન પર સ્ટ્રીટ આર્ટની તસવીરો શેર કરી છે. ખરેખર દિવાલ પર કોતરવામાં આવેલા સુંદર ચિત્રો એક રીતે જીવંત દેખાઈ રહ્યા છે. એટલા માટે તેની તરફ જોનાર દરેક તેને બનાવનાર કલાકારની પ્રશંસા કરી રહ્યા છે. કલાની જીવંત માસ્ટરપીસ શેરીઓમાં ખૂબ સુંદર દેખાય રહ્યા છે. દિવાલ પર મનુષ્યનું ચિત્ર કોતરવામાં આવ્યું છે, પરંતુ આશ્ચર્યજનક બાબત એ છે કે તેના વાળને વૃક્ષના પાંદડા જેવો દેખાવ આપવામાં આવ્યો છે, જે આશ્ચર્યજનક લાગે છે. જેની કલાકારીના વખાણ આ દિવાલ પણ કરે છે, તેનું નામ ફેબિયો ગોમ્સ ટ્રિન્ડેડે છે.
આ પોસ્ટ સોશિયલ મીડિયા પર શેર થતાની સાથે જ લોકોએ પણ ઝડપથી પોતાની પ્રતિક્રિયા નોંધવાનું શરૂ કર્યું. અર્જુન રામપાલની પોસ્ટ જોયા બાદ એક યુઝરે કહ્યું કે સર, આ ખરેખર એક અદભૂત કળા છે. તે જ સમયે, અન્ય એક યુઝરે કહ્યું કે મને ખબર નથી કે લોકો આટલા કુશળ કેવી રીતે બને છે, પરંતુ ચોક્કસપણે આ માટે ઘણી મહેનત કરવી પડશે. આ સિવાય સોશિયલ મીડિયા પર ઘણા વધુ લોકોએ બ્રાઝિલના આ સક્ષમ કલાકારની પ્રશંસા કરી.
