ભૂટાનના PM દશો શેરિંગ તોબગે 5 દિવસની ભારતની મુલાકાતે, નરેન્દ્ર મોદી સાથે દ્વિપક્ષીય વાતચીત કરશે

નવી દિલ્હીઃ ભૂતાનના પ્રધાનમંત્રી દાશો શેરિંગ ટોબગે આજથી પાંચ દિવસીય ભારતના પ્રવાસે છે. પ્રધાનમંત્રી તરીકેનો પદભાર સંભાળ્યા બાદ તેમની આ પહેલી વિદેશ યાત્રા છે. વિદેશ મંત્રાલયે જણાવ્યું કે, મુલાકાત દરમિયાન ભૂટાનના પ્રધાનમંત્રી રાષ્ટ્રપતિ દ્રૌપદી મુર્મુ સાથે મુલાકાત કરશે અને પ્રધાનમંત્રી નરેન્દ્ર મોદી સાથે દ્વિપક્ષીય વાતચીત કરશે.

પ્રધાનમંત્રી શેરિંગ તોબગે પણ મુંબઈ જશે. વિદેશ અને વિદેશ વ્યાપાર મંત્રી, ઉર્જા અને પ્રાકૃતિક સંસાધન મંત્રી, ઉદ્યોગ, વાણિજ્ય અને રોજગાર મંત્રી અને ભૂટાન સરકારના વરિષ્ઠ અધિકારીઓ પ્રધાનમંત્રી દાશો શેરિંગ તોબગેની સાથે આવશે.

મંત્રાલયે કહ્યું કે, ભારત અને ભૂટાન તમામ સ્તરે વિશ્વાસ, સદ્ભાવના અને પરસ્પર સમજણ પર આધારિત મિત્રતા અને સહયોગના અનુકરણીય સંબંધોનો આનંદ માણે છે. ભૂટાનના પ્રધાનમંત્રીની મુલાકાત બંને પક્ષોને અમારી અનન્ય ભાગીદારીમાં પ્રગતિની સમીક્ષા કરવાની અને ભારત અને ભૂટાન વચ્ચેના મિત્રતા અને સહકારના કાયમી સંબંધોને વિસ્તારવા માટેની રીતો અને માધ્યમો પર ચર્ચા કરવાની તક પૂરી પાડશે.