બેંગલોરમાં વૃક્ષોના નામ પરથી બસ સ્ટોપનું નામ રાખવામાં આવશે,એનજીઓ સાથે મળીને બીબીએમપી શરૂ કરશે યોજના
- બેંગલોરમાં વૃક્ષોના નામ પરથી બસ સ્ટોપનું રખાશે નામ
- એનજીઓ સાથે મળીને બીબીએમપી શરૂ કરશે યોજના
- જીદી મારા બસ સ્ટોપથી શરૂ થશે આ પ્રોજેકટ
કર્ણાટક:બેંગલોરમાં વૃક્ષોના નામ પરથી બસ સ્ટોપનું નામ રાખવામાં આવશે.બન્નેરઘટ્ટા રોડ પર વેગા સિટી મોલ પાર કરતી વખતે ભાગ્યે જ કોઈએ વિચાર્યું હશે કે ‘જીદી મારા’ નામનું બસ સ્ટોપ પણ હશે. ખરેખર, જીદી મારા એક કન્નડ શબ્દ છે, જેનો અંગ્રેજીમાં અર્થ કાજુનું વૃક્ષ છે. ઇન્ફ્રાસ્ટ્રક્ચર પ્રોજેક્ટ્સને કારણે આ લીલી જગ્યાઓમાં કાજુના વૃક્ષો કાપવામાં આવ્યા હતા અને બસ સ્ટોપના નામ પાછળનો ઇતિહાસ વિસ્મૃતિમાં ચાલ્યો ગયો. એક એનજીઓ પ્રોજેક્ટ વૃક્ષ ફાઉન્ડેશને બ્રુહત બેંગલુરુ મહાનગર પાલિકાના સહયોગથી ‘જીદી મારા’ બસ સ્ટોપની આસપાસ 10 કાજુના રોપા રોપવાની યોજના બનાવી છે.
વૃક્ષ ફાઉન્ડેશનના વિજય નિશાંતે કહ્યું હતું કે, “અમે બીબીએમપી સમક્ષ આ યોજનાનો પ્રસ્તાવ મૂક્યો હતો અને તેઓ અમને પ્રોજેક્ટને સમર્થન આપવા માટે જરૂરી સાધનો અને જન શક્તિ પ્રદાન કરશે. જીદી મારા શબ્દ પણ ઉપયોગમાં નથી.રસ્તાઓ અને બસ સ્ટોપનું નામ વૃક્ષો અને તળાવના નામ પર રાખવાની આ સુંદર પરંપરાની ઝલક તમે જોઈ શકો છો. હવે અમે આ પરંપરાને પુનર્જીવિત કેમ કરી શકતા નથી અને અમે હરિયાળીને ગુમાવી રહ્યા છીએ.આપણે આ પ્રકારની યોજનાઓ પર કામ કરીને વૃક્ષારોપણને પ્રોત્સાહન આપવું જોઈએ.
નિશાંતે કહ્યું કે ફરીથી આ પ્રોજેક્ટ જીદી મારા બસ સ્ટોપથી શરૂ થશે, જ્યાં માત્ર એક કાજુનું ઝાડ બચ્યું છે. એકવાર આ પ્રોજેક્ટ પૂર્ણ થઈ જશે પછી આપણે આસપાસ ખાલી જગ્યા જોઈશું અને વધુ ને વધુ રોપાઓ વાવીશું. થોડાક વર્ષોમાં, આ વિસ્તાર એક દાયકા પહેલા કરતા વધારે હરિયાળો દેખાશે. અમે આ પ્રોજેક્ટને બનશંકરીમાં હુનસમારા બસ સ્ટોપ સુધી લંબાવશું.
