- વર્ષ 2020-21માં દેશમાં 1.55 લાખથી વધુ કંપનીઓ અસ્તિત્વમાં આવી
- 55 લાખથી વધુ કંપનીઓએ નોંધણી કરાવી છે
- આ સંખ્યા અગાઉના વર્ષમાં 27 ટકાનો નોંધપાત્ર વધારો દર્શાવે છે
નવી દિલ્હી: એક તરફ કોરોના મહામારીએ હાહાકાર મચાવ્યો છે ત્યારે બીજી તરફ વર્ષ 2020-21માં દેશમાં 1.55 લાખથી વધુ કંપનીઓ અસ્તિત્વમાં આવી છે એટલે કે કુલ આટલી કંપનીઓએ નોંધણી કરાવી છે. આ સંખ્યા અગાઉના વર્ષમાં 27 ટકાનો નોંધપાત્ર વધારો દર્શાવે છે. છેલ્લા નાણાકીય વર્ષમાં કોરોના વાયરસ મહામારીને કારણે આર્થિક પ્રવૃત્તિઓ પર વિપરીત અસર જોવા મળી હતી.
નાણાકીય વર્ષ 2020-21માં 42,186 લિમિટેડ લાયબિલિટી પાર્ટનરશીપ (એલએલપી) ની રચના કરવામાં આવી છે. આ આંકડો એક વર્ષ અગાઉના સમાન સમયગાળાની તુલનામાં લગભગ 17 ટકાનો વધારો દર્શાવે છે.કોર્પોરેટ બાબતોના મંત્રાલયે ગુરુવારે જાહેર કરેલી એક નિવેદનમાં જણાવ્યું છે કે કોવિડ -19 રોગચાળાને કારણે દેશ સામે આવેલ અભૂતપૂર્વ પરિસ્થિતિને ધ્યાનમાં રાખીને આ વધારો નોંધપાત્ર છે.મંત્રાલય કંપનીએક્ટ અને એલએલપી એક્ટ લાગુ કરે છે.
નોંધનીય છે કે કોર્પોરેટ અફેર્સ મંત્રાલયે નાણાકીય વર્ષ 2020-21 દરમિયાન 1.55 લાખથી વધુ કંપનીઓની નોંધણી કરી હતી, જેની તુલનાએ નાણાકીય વર્ષ 2019-20 દરમિયાન 1.22 લાખ કંપનીઓ હતી, જે અંદાજે 27 ટકાનો વધારો દર્શાવે છે.
(સંકેત)
