નવી દિલ્હીઃ નોઈડા સ્પોર્ટ્સ સિટી પ્રોજેક્ટના ફાળવણી, વિકાસ અને મંજૂરીમાં ગેરરીતિઓના આરોપો અંગે કેન્દ્રીય તપાસ સંસ્થા સીબીઆઈએ દિલ્હી અને નોઈડામાં અનેક સ્થળોએ દરોડા પાડ્યા છે. દરોડા દરમિયાન ગુનાહિત દસ્તાવેજો, ડિજિટલ પુરાવા અનેઅન્ય સામગ્રી જપ્ત કરાઇ છે.
આ કેસ 2011 થી 2014 વચ્ચે સ્પોર્ટ્સ સિટી પ્રોજેક્ટ્સના ફાળવણી, વિકાસ અને મંજૂરીમાં ગેરરીતિઓના આરોપો સાથે સંબંધિત છે. નોઈડા સ્પોર્ટ સિટી પ્રોજેક્ટનો ઉદ્દેશ્ય નોઈડાના સેક્ટર 78, 79 અને 150 માં રહેણાંક અને વાણિજ્યિક વિસ્તારો સાથે વિશ્વ કક્ષાની રમત સુવિધાઓ વિકસાવવાનો હતો. જો કે, આ પ્રોજેક્ટ્સની ફાળવણી પછી, નોઈડા ઓથોરિટીના અધિકારીઓ સાથે મળીને ફાળવણી કરનારાઓ દ્વારા સંબંધિત શરતોનો વારંવાર ભંગ કરવામાં આવ્યો હોવાનો આરોપ છે. કેગ અહેવાલમાં ગેરરીતિઓ દર્શાવ્યા પછી પણ અધિકારીઓ દ્વારા કોઈ ઉપાયાત્મક પગલાં લેવામાં નહીં આવ્યા હોવાનો પણ આરોપ કરાયો છે.