નવી દિલ્હી, 14 નવેમ્બર 2026: સૈયદ મુશ્તાક અલી ટ્રોફીમાં બિહારની ટીમનું નેતૃત્વ કરતી વખતે વૈભવ સૂર્યવંશીએ ઈતિહાસ રચ્યો. 15 વર્ષ અને 232 દિવસની ઉંમરે કેપ્ટનપદ સંભાળીને, વૈભવ T20 ક્રિકેટના ઈતિહાસમાં સૌથી યુવા કેપ્ટન બન્યો છે.
વૈભવ સૂર્યવંશી બિહારની ટીમનું નેતૃત્વ કરી રહ્યા છે, જે શનિવારે સૌરાષ્ટ્ર સામે ટકરાઈ રહી છે, જેનું નેતૃત્વ જયદેવ ઉનડકટ કરી રહ્યા છે. બિહારે ટોસ જીતીને પ્રથમ બેટિંગ કરવાનો નિર્ણય લીધો.
સૂર્યવંશીએ કોનો રેકોર્ડ તોડ્યો?
વૈભવ સૂર્યવંશીએ ક્રોએશિયાના જેક વુકુસિકનો રેકોર્ડ તોડી નાખ્યો છે, જેમણે 17 વર્ષ અને 311 દિવસની ઉંમરે રાષ્ટ્રીય T20 ટીમનું નેતૃત્વ (કેપ્ટન તરીકે) કર્યું હતું. ઉલ્લેખનીય છે કે, ગયા શુક્રવારે બિહારે પ્રથમ બે મેચ માટે 17 સભ્યોની ટીમની જાહેરાત કરી હતી. સૂરજ કશ્યપને વાઇસ-કેપ્ટન (ઉપ-કપ્તાન) તરીકે નિયુક્ત કરવામાં આવ્યા છે.
રેકોર્ડ બુકની ‘ગૌરવગાથા’
હકીકતમાં, વૈભવ સૂર્યવંશીએ T20 ક્રિકેટમાં ઘણા બધા રેકોર્ડ બનાવ્યા છે. ગયા વર્ષે, સૈયદ મુશ્તાક અલી ટ્રોફીમાં, વૈભવે મહારાષ્ટ્ર સામે માત્ર 58 બોલમાં સદી ફટકારી હતી, જે આ ટુર્નામેન્ટના ઇતિહાસની સૌથી ઝડપી સદી છે.
વધુમાં, 2025ની IPL સીઝનમાં રાજસ્થાન રોયલ્સ માટે રમતી વખતે, તેણે ગુજરાત ટાઇટન્સ સામે 35 બોલમાં સદી ફટકારી હતી અને આ સાથે તે T20 સદી નોંધાવનાર સૌથી યુવા બેટર બન્યો હતો.
