લાસા, 03 સપ્ટેમ્બર 2026: તિબેટમાં ફરી એકવાર ભૂકંપના જોરદાર આંચકા અનુભવાયા છે. નેપાળની દુર્ઘટનાના બરાબર એક અઠવાડિયા બાદ આ આંચકા અનુભવાયા હતા. ભૂકંપને કારણે લોકોમાં ગભરાટ ફેલાયો છે; જોકે, આ સમાચાર લખાયા ત્યાં સુધી જાનહાનિના કોઈ અહેવાલ નથી.
જર્મન રિસર્ચ સેન્ટર ફોર જીઓસાયન્સીસ (GFZ) અનુસાર, ગુરુવારે તિબેટમાં 5.0ની તીવ્રતાનો ભૂકંપ આવ્યો હતો. GFZ એ જણાવ્યું હતું કે ભૂકંપનું કેન્દ્રબિંદુ સપાટીથી 10 કિલોમીટર (6.21 માઈલ) ની ઊંડાઈએ નોંધાયું હતું.
ગુરુવાર, 3 સપ્ટેમ્બરના રોજ તિબેટમાં રિક્ટર સ્કેલ પર ૫ની તીવ્રતાનો ભૂકંપ આવ્યો હતો. નેપાળમાં થયેલી તબાહીના એક અઠવાડિયા બાદ આ ભૂકંપ આવ્યો હતો.
એ નોંધવું મહત્વપૂર્ણ છે કે 26 ઓગસ્ટના રોજ, નેપાળની સરહદ નજીક તિબેટમાં હિમનદી (ગ્લેશિયર) તૂટી પડવાને કારણે આવેલા વિનાશક પૂરને લીધે પહાડી વિસ્તારના અનેક નગરો અને ખીણોમાં ભારે તારાજી સર્જાઈ હતી. આ દુર્ઘટના બાદ નેપાળમાં એક હજારથી વધુ લોકોનાં મોત થયાં છે અને અંદાજે 4000 લોકો ગુમ થયા હોવાના અહેવાલ છે.
તિબેટમાં આવેલા પૂર બાદ લગભગ 100 નેપાળી નાગરિકો લાપતા
નેપાળના વિદેશ મંત્રાલયના પ્રવક્તા લોક બહાદુર છેત્રીએ જણાવ્યું છે કે નેપાળ-તિબેટ સરહદ પર આવેલા વિનાશક અચાનક પૂરને પગલે લગભગ 100 નેપાળી નાગરિકો ગુમ થયા છે.
દેશના અનેક નગરો અને ગામડાઓમાં અચાનક આવેલા પૂરને કારણે વ્યાપક તબાહી સર્જાયાના એક અઠવાડિયા પછી પણ, 1200થી વધુ લોકોનાં મોત થયાં છે અને 4875થી વધુ લોકો હજુ પણ ગુમ છે.
છેત્રીએ એક પ્રેસ બ્રીફિંગમાં જણાવ્યું હતું કે રસુવા જિલ્લામાં ભોટે કોશી નદીના પ્રવાહમાં તણાઈ ગયેલા ઓછામાં ઓછા 19 મૃતદેહો ભારતમાં મળી આવ્યા હતા. તેમણે સમજાવ્યું કે આ મૃતદેહો ભોટે કોશી નદીમાંથી ત્રિશુળી અને નારાયણી નદીઓ થઈને ભારતમાં પહોંચ્યા હતા. તે નેપાળના રૂપંદેહી અને નવાલપરાસી પશ્ચિમ જિલ્લાઓને અડીને આવેલી ભારતની સરહદ નજીક મળી આવ્યા હતા.
વધુ વાંચો: હાથનીકુંડ બેરેજની ઘટનામાં ગુમ થયેલા બંને કમાન્ડોના મૃતદેહો મળી આવ્યા
