ઇસ્લામાબાદ, 03 સપ્ટેમ્બર 2026: સુરક્ષા દળોએ પાકિસ્તાનના ખૈબર પખ્તુનખ્વા (KPK) પ્રાંતમાં અફઘાનિસ્તાન સરહદ નજીક ઘૂસણખોરીના એક મોટા પ્રયાસને નિષ્ફળ બનાવ્યો છે. પાકિસ્તાની સેનાની મીડિયા શાખાએ માહિતી આપી છે કે અફઘાનિસ્તાન સરહદ નજીક હાથ ધરવામાં આવેલા એક અભિયાન દરમિયાન ‘ફિત્ના અલ-ખવારીજ’ (TTP) સાથે સંકળાયેલા 15 આતંકવાદીઓ માર્યા ગયા હતા.
ઇન્ટર-સર્વિસીસ પબ્લિક રિલેશન્સ (ISPR) અનુસાર, 31 ઓગસ્ટ અને 1 સપ્ટેમ્બરની વચ્ચેની રાત્રે ‘ફિત્ના-અલ-ખવારીજ’ સાથે સંકળાયેલા આતંકવાદીઓએ સરહદ પાર કરીને ઉત્તર વઝિરિસ્તાન વિસ્તારમાં ઘૂસણખોરી કરવાનો પ્રયાસ કર્યો હતો. 36 કલાક સુધી ચાલેલા આ અભિયાન દરમિયાન 15 આતંકવાદીઓ માર્યા ગયા હતા. તેમની પાસેથી મોટી માત્રામાં શસ્ત્રો અને દારૂગોળો પણ જપ્ત કરવામાં આવ્યો હતો.
પાકિસ્તાની લશ્કરી સંગઠન ISPRએ જણાવ્યું હતું કે, “પાકિસ્તાન-અફઘાનિસ્તાન સરહદ પરની આ ઘટના પાકિસ્તાનના તે સતત વલણને ફરી એકવાર સાચું ઠેરવે છે કે અફઘાન તાલિબાન સરકાર આતંકવાદી સંગઠનોને અફઘાન ભૂમિનો ઉપયોગ કરતા રોકવામાં સંપૂર્ણપણે નિષ્ફળ રહી છે.”
સેનાએ વધુમાં જણાવ્યું હતું કે અફઘાન તાલિબાન સરકાર સરહદનું અસરકારક રીતે સંચાલન કરવામાં અને પોતાની આંતરરાષ્ટ્રીય જવાબદારીઓ પૂરી કરવામાં સતત નિષ્ફળ રહી છે.
મંગળવારે 21 આતંકવાદીઓ માર્યા ગયા
પાકિસ્તાની સેનાએ મંગળવારે જણાવ્યું હતું કે, અશાંત બલૂકિસ્તાન પ્રાંતમાં સુરક્ષા દળો અને બળવાખોરો વચ્ચેની બે અલગ-અલગ અથડામણોમાં ઓછામાં ઓછા 21 આતંકવાદીઓ માર્યા ગયા હતા.
સેનાએ જણાવ્યું હતું કે આ ઘટનાઓ સોમવારે રાત્રે ચગાઈ જિલ્લાના નોકચા અને પિશિન જિલ્લાના ઝિયારત ક્રોસ ખાતે બની હતી, જેમાં પાંચ સુરક્ષાકર્મીઓ અને કસ્ટમ્સ વિભાગના એક અધિકારીના મોત થયા હતા.
વધુ વાંચો: ભયાનક પૂર બાદ તિબેટમાં ફરી ભૂકંપના આંચકા અનુભવાયા
 પ્રાંતમાં અફઘાનિસ્તાન સરહદ નજીક ઘૂસણખોરીના એક મોટા પ્રયાસને નિષ્ફળ બનાવ્યો છે. પાકિસ્તાની){kind=link}