પેટ્રોલ-ડીઝલની કિંમતમાં ફરીવાર થયો વધારો, લોકો પરેશાન
- પેટ્રોલ અને ડીઝલના ભાવમાં આગ લાગી
- પાંચ દિવસમાં ચોથી વખત થયો ભાવવધારો
- પેટ્રોલ અને ડીઝલના ભાવમાં 80-80 પૈસાનો વધારો
દિલ્હી: દેશમાં પેટ્રોલ અને ડીઝલના ભાવમાં સતત વધારો થઈ રહ્યો છે. ફરી એકવાર ભાવમાં વધારો થયો છે.પેટ્રોલ અને ડીઝલના ભાવમાં 80-80 પૈસાનો વધારો થયો છે. છેલ્લા પાંચ દિવસમાં પેટ્રોલ અને ડીઝલના ભાવમાં આ ચોથો વધારો છે.આ સમયગાળા દરમિયાન પેટ્રોલ અને ડીઝલના ભાવમાં પ્રતિ લિટર 3.2 રૂપિયાનો વધારો થયો છે. જોકે પાંચ રાજ્યોની વિધાનસભાની ચૂંટણી બાદ કિંમતોમાં વધારો થવાની સંભાવના હતી, પરંતુ માત્ર પાંચ દિવસમાં પેટ્રોલ અને ડીઝલના ભાવમાં ત્રણ રૂપિયાથી વધુનો વધારો થતાં સામાન્ય ગ્રાહકની ચિંતા વધી ગઈ છે.
આ વધારા બાદ દિલ્હીમાં પેટ્રોલની કિંમત હવે 97.81 રૂપિયા પ્રતિ લીટરથી 98.61 રૂપિયા થઈ જશે,જ્યારે ડીઝલની કિંમત 89.07 રૂપિયા પ્રતિ લીટરથી વધીને 89.87 રૂપિયા થઈ ગઈ છે. તો,મુંબઈમાં પેટ્રોલની કિંમત 84 પૈસા વધીને 113.35 રૂપિયા પ્રતિ લિટર અને ડીઝલની કિંમત 85 પૈસા વધીને 97.55 રૂપિયા પ્રતિ લિટર થઈ ગઈ છે. જ્યારે કોલકાતામાં પેટ્રોલ 83 પૈસા વધીને 108.1 રૂપિયા પ્રતિ લિટર અને ડીઝલ 79 પૈસા વધીને 93.01 રૂપિયા પ્રતિ લિટર થઈ ગયું છે. ચેન્નાઈમાં પેટ્રોલની કિંમત 76 પૈસા વધીને 104.43 રૂપિયા પ્રતિ લિટર અને ડીઝલની કિંમત 76 પૈસા વધીને 94.47 રૂપિયા પ્રતિ લિટર થઈ ગઈ છે.
22 માર્ચે દેશમાં સંશોધિત દર જાહેર કરતી વખતે લગભગ સાડા ચાર મહિનાના લાંબા અંતર પછી પેટ્રોલ અને ડીઝલના ભાવમાં વધારો કરવામાં આવ્યો હતો. અત્યાર સુધી કરવામાં આવેલા ચારેય ભાવ 80 પૈસા પ્રતિ લિટર છે.જૂન 2017 માં દૈનિક ભાવ સુધારણા શરૂ થયા પછી એક દિવસમાં આ સૌથી તીવ્ર વધારો છે.
