નવી દિલ્હીઃ છત્તીસગઢના બેમેટારા જિલ્લામાં માલવાહક વાહન અને મિની ટ્રક વચ્ચે સર્જાયેલા ગમખ્વાર અકસ્માતમાં પાંચ મહિલાઓ અને 3 બાળકો સહિત 9 વ્યક્તિઓના કરુણ મોત થયાં હતા. જ્યારે 23થી વધારે વ્યક્તિઓને ઈજા થતા તેમને સારવાર અર્થે હોસ્પિટલ લઈ જવાયાં હતા. આ અકસ્માત બેમેત્રા પોલીસ સ્ટેશન વિસ્તારના કાઠિયા ગામમાં પેટ્રોલ પંપ પાસે થયો હતો. જણાવવામાં આવી રહ્યું છે કે રોડ કિનારે પાર્ક કરેલી મીની ટ્રક સાથે માલસામાનનું વાહન અથડાતા આ કરૂણ અકસ્માત સર્જાયો હતો. માર્ગ અકસ્માતની ઘટનામાં નવ વ્યક્તિઓના મોત થતા મુખ્યમંત્રી વિષ્ણુ દેવ સાઈએ દુખ વ્યક્ત કર્યું હતું.
વરિષ્ઠ પોલીસ અધિકારીએ જણાવ્યું હતું કે, અકસ્માતનો ભોગ બનેલા તમામ પાથરા ગામના રહેવાસીઓ તિરૈયા ગામમાં એક પારિવારિક કાર્યક્રમમાં હાજરી આપીને પરત ફરી રહ્યા હતા.અધિકારીએ જણાવ્યું કે માલસામાનનું વાહન રસ્તાની બાજુમાં ઉભેલા એક મિની ટ્રક સાથે અથડાયું હતું. મૃતકોની ઓળખ ભૂરી નિષાદ (50), નીરા સાહુ (55), ગીતા સાહુ (60), અગાનિયા સાહુ (60), ખુશ્બુ સાહુ (39), મધુ સાહુ (5), રિકેશ નિષાદ (6) અને ટ્વિંકલ નિષાદ તરીકે થઈ છે. (6) તરીકે થઈ છે. એક વ્યક્તિની ઓળખ થઈ શકી નથી.
અધિકારીએ જણાવ્યું કે, અકસ્માતમાં ઘાયલ થયેલા 23 લોકોને બે હોસ્પિટલમાં દાખલ કરવામાં આવ્યા છે. બાદમાં ચાર ગંભીર રીતે ઘાયલ લોકોને ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ, રાયપુર લઈ જવામાં આવ્યા હતા. બાકીના ઘાયલોને જિલ્લા હોસ્પિટલ બેમેત્રામાં સારવાર આપવામાં આવી રહી છે. બેમેટારા કલેક્ટર રણવીર શર્માએ જણાવ્યું કે બેમેટારા અકસ્માતમાં મૃત્યુઆંક વધીને નવ થઈ ગયો છે અને 23 ઘાયલ છે જેમને સારવાર માટે હોસ્પિટલમાં દાખલ કરવામાં આવ્યા છે.
