રાચીંઃ- ઝારખંડ હાઈકોર્ટે આજરોજ શુક્રવારે કથિત મની લોન્ડરિંગ કેસમાં એન્ફોર્સમેન્ટ ડિરેક્ટોરેટદ્વારા સમન્સ જારી કરવાને પડકારતી મુખ્ય મંત્રી હેમંત સોરેનની અરજીને ફગાવી દીધી હતી.
આ બાબતે ચીફ જસ્ટિસ સંજય કુમાર મિશ્રા અને જસ્ટિસ આનંદ સેનની બેન્ચે અવલોકન કર્યું કે સમન્સમાં હાજર રહેવાની મુદત પૂરી થઈ ગઈ છે અને તેથી અરજી અર્થહીન બની ગઈ છે.એટલે કે ઝારખંડના મુખ્યમંત્રી હેમંત સોરેનને સુપ્રીમ કોર્ટ બાદ ઝારખંડ હાઈકોર્ટ કરતા પણ મોટો ઝટકો લાગ્યો છે. ઝારખંડ હાઈકોર્ટે મુખ્યમંત્રીની ફોજદારી રિટ અરજી ફગાવી દીધી છે.
11 ઓક્ટોબર બાદ આજે ફરી આ કેસની સુનાવણી હાથ ધરવામાં આવી હતી. હાઈકોર્ટના ચીફ જસ્ટિસ સંજય કુમાર મિશ્રાની અધ્યક્ષતાવાળી ડિવિઝન બેન્ચે અરજી ફગાવી દીધી હતી.એન્ફોર્સમેન્ટ ડિરેક્ટોરેટે સોરેનને સમન્સ જારી કર્યા હતા અને તેમને 14 ઓગસ્ટે રાંચીમાં ફેડરલ તપાસ એજન્સીની ઓફિસમાં હાજર થવા જણાવ્યું હતું. આ ઉપરાંત, બાદમાં તેમને પ્રિવેન્શન ઓફ મની લોન્ડરિંગ એક્ટ હેઠળ તેમનું નિવેદન નોંધવા માટે બોલાવવામાં આવ્યા હતા.
એટલું જ નહી અરજી ફગાવી દેતા હાઈકોર્ટે કહ્યું છે કે મુખ્યમંત્રીની અરજી સાંભળવા યોગ્ય નથી. વાસ્તવમાં આ કેસની સુનાવણી હાઈકોર્ટના ચીફ જસ્ટિસ સંજય કુમાર મિશ્રા અને જસ્ટિસ આનંદ સેનની ડિવિઝન બેંચમાં થઈ હતી.
ઉલ્લેખનીય છે કે સોરેને પોતાની અરજીમાં કહ્યું કે તપાસ એજન્સી દ્વારા તેમને મોકલવામાં આવેલ સમન્સ અયોગ્ય છે. સુપ્રીમ કોર્ટે સમન્સ સામેની તેમની અરજી પર સુનાવણી કરવાનો ઇનકાર કર્યા બાદ મુખ્યમંત્રીએ હાઈકોર્ટનો સંપર્ક કર્યો હતો. ન્યાયમૂર્તિ અનિરુદ્ધ બોઝ અને ન્યાયમૂર્તિ બેલા એમ. ત્રિવેદીની સર્વોચ્ચ અદાલતની બેન્ચે, જોકે, તેમને આ કેસમાં રાહત મેળવવા ઝારખંડ હાઈકોર્ટમાં અરજી દાખલ કરવાની મંજૂરી આપી હતી.
