અમદાવાદ, 11 માર્ચ 2026: Lemon prices reach Rs 250 per kg ઉનાળાની ગરમીને લીધે લીલા શાકભાજીની આવકમાં ઘટાડો થતાં ભાવમાં વધારો થયો છે. જ્યારે લીંબુની માગમાં વધારો થતાં લીંબુના પ્રતિકિલોના ભાવ રૂપિયા 250એ પહોંચ્યા છે. ઉનાળાના પ્રારંભે જ જે લીંબુ અગાઉ 60થી 80 રૂપિયામાં મળતા હતા, તેના ભાવ માત્ર દસ દિવસમાં વધીને 250 રૂપિયા સુધી પહોંચી ગયા છે. ઉલ્લેખનીય છે કે, વર્ષ 2024-25ની સરખામણીએ વર્ષ 2025-26 દરમિયાન જમાલપુર યાર્ડમાં લીંબુની વાર્ષિક આવક 31 હજાર ક્વિન્ટલ વધીને કુલ 1.75 લાખ ક્વિન્ટલ થઈ હોવા છતાં ભાવમાં તોતિંગ વધારો જોવા મળી રહ્યો છે.
શિયાળાની વિદાય અને ઉનાળાના આગમનના પખવાડિયામાં અમદાવાદ સહિત રાજ્યના મોટાભાગના શહેરોમાં તાપમાનનો પારો 41 ડિગ્રીને વટાવી ગયો છે. ગરમીના આ વધતા પ્રકોપ વચ્ચે શહેરના માર્ગો પર લીંબુ શરબત, શિકંજી, લીંબુ સોડા અને શેરડીના રસ જેવા ઠંડા પીણાંના સ્ટોલ તથા લારીઓની સંખ્યામાં મોટો વધારો જોવા મળી રહ્યો છે. લીંબુની માંગમાં થયેલા અચાનક વધારાને કારણે, સામાન્ય રીતે એપ્રિલમાં જોવા મળતો ભાવવધારો આ વર્ષે માર્ચમાં જ જોવા મળી રહ્યો છે, જેમાં લીંબુનો ભાવ પ્રતિ કિલો 200થી 250 રૂપિયા સુધી પહોંચી ગયો છે. નવાઈની વાત એ છે કે, વર્ષ 2025-26 દરમિયાન જમાલપુર યાર્ડમાં લીંબુની આવક ગત વર્ષ કરતા 20% વધી હોવા છતાં, ભાવમાં તોતિંગ વધારો થયો છે. સામાન્ય રીતે લીંબુના ભાવ એપ્રિલ અને મે મહિનામાં વધતા હોય છે, પરંતુ આ વર્ષે માર્ચના પ્રારંભથી જ ભાવ આસમાને પહોંચી ગયા છે. હાલ જમાલપુર APMCમાં લીંબુનો જથ્થાબંધ ભાવ પ્રતિ કિલો 90થી 120 રૂપિયા છે, જ્યારે છૂટક બજારમાં આ ભાવ સીધો બમણો થઈને 250 રૂપિયા સુધી પહોંચી ગયો છે.
માર્કેટયાર્ડના વેપારીઓના કહેવા મુજબ ઉનાળાના પ્રારંભે જ જે લીંબુ અગાઉ 60થી 80 રૂપિયામાં મળતા હતા, તેના ભાવ માત્ર દસ દિવસમાં વધીને 250 રૂપિયા સુધી પહોંચી ગયા છે. ઉલ્લેખનીય છે કે, વર્ષ 2024-25ની સરખામણીએ વર્ષ 2025-26 દરમિયાન જમાલપુર યાર્ડમાં લીંબુની વાર્ષિક આવક 31 હજાર ક્વિન્ટલ વધીને કુલ 1.75 લાખ ક્વિન્ટલ થઈ હોવા છતાં ભાવમાં તોતિંગ વધારો જોવા મળી રહ્યો છે.