રેસીપી, 02 જુલાઈ 2026: Paneer Beet Tawa Pulao Recipe જ્યારે તમારી પાસે રસોઈ કરવાનો સમય ન હોય અને ભાત વધ્યા હોય ત્યારે તમે પનીર અને બીટરૂટ તવા પુલાવ બનાવી શકો છો. તે ખુબજ જલ્દી બની જાય છે, ઓછી મહેનત અને ઓછી સામગ્રી સાથે ટેસ્ટી પણ બને છે, તેથી તે ભોજન કે નાસ્તા માટે એક પરફેક્ટ ઓપ્શન છે.
પનીર બીટરૂટ તવા પુલાવ રેસીપી
સામગ્રી
4-5 કાશ્મીરી મરચાં
3 કળી લસણ
1/4 કપ ગરમ પાણી
2 ચમચી બટર
1 મધ્યમ ડુંગળી (સમારેલી)
1 મોટું ટામેટા (સમારેલા)
1 કપ સમારેલા ફ્રેન્ચ બીન્સ
1 કપ સમારેલા ગાજર
વધેલા ભાત
1/2 ચમચી હળદર
1 ચમચી લાલ મરચું પાઉડર
1 ચમચી ધાણાજીરું પાવડર
1/4 ચમચી ગરમ મસાલો
સ્વાદ મુજબ મીઠું
200 ગ્રામ પનીર
1 કપ છીણેલું બીટ
પનીર બીટરૂટ તવા પુલાવ બનાવવાની રીત
સૌ પ્રથમ, કાશ્મીરી લાલ મરચાંને ગરમ પાણીમાં 10-15 મિનિટ માટે પલાળી રાખો. ત્યારબાદ પલાળેલા મરચાં અને લસણની કળીઓને મિક્સરમાં પીસીને એક સરસ સ્મૂધ પેસ્ટ તૈયાર કરી લો.
હવે એક મોટા તવા અથવા કડાઈમાં 2 ચમચી બટર ગરમ કરો. બટર ઓગળે એટલે તેમાં સમારેલી ડુંગળી ઉમેરીને ગુલાબી થાય ત્યાં સુધી સાંતળો. ત્યારબાદ તેમાં સમારેલા ટામેટાં ઉમેરો અને તે સોફ્ટ થાય ત્યાં સુધી ચડવા દો. હવે તેમાં સમારેલા ફ્રેન્ચ બીન્સ અને ગાજર ઉમેરીને 2-3 મિનિટ માટે સાંતળો જેથી શાકભાજી થોડા ક્રંચી રહે.
શાકભાજી થોડા ચડી જાય એટલે તેમાં તૈયાર કરેલી લસણ-મરચાની પેસ્ટ ઉમેરીને બરાબર મિક્સ કરો. હવે તેમાં હળદર, લાલ મરચું પાઉડર, ધાણાજીરું પાવડર, ગરમ મસાલો અને સ્વાદ મુજબ મીઠું ઉમેરો.
મસાલાને 1 મિનિટ માટે ધીમા તાપે સાંતળો. ત્યારબાદ તેમાં 1 કપ છીણેલું બીટરૂટ ઉમેરીને મિક્સ કરો અને 2 મિનિટ માટે પકાવો.
હવે આ મસાલામાં પનીરના ટુકડા ઉમેરો અને હળવા હાથે મિક્સ કરો જેથી પનીર તૂટી ન જાય. છેલ્લે તેમાં વધેલા ભાત ઉમેરો. મસાલો અને ભાત એકબીજા સાથે બરાબર ભળી જાય ત્યાં સુધી હળવા હાથે મિક્સ કરો હવે ગરમાગરમ, ટેસ્ટી અને હેલ્ધી પનીર બીટરૂટ તવા પુલાવ તૈયાર છે.
