સૂર્યવંશીના મેકર્સએ અક્ષય કુમારનું નવું પોસ્ટર રિલીઝ કર્યું,દર્શકોને થિયેટરમાં જઈને ફિલ્મ જોવાની કરી અપીલ
- સૂર્યવંશીના મેકર્સએ અક્ષય કુમારનું નવું પોસ્ટર કર્યું રિલીઝ
- દર્શકોને થિયેટરમાં જઈને ફિલ્મ જોવાની કરી અપીલ
- દિવાળી પર રિલીઝ થશે આ ફિલ્મ
મુંબઈ:લાંબા સમય પછી મુંબઈના તમામ થિયેટર 22 ઓક્ટોબરથી ખોલવામાં આવ્યા છે. થિયેટર ખુલ્યા બાદ દરેક વ્યક્તિ અક્ષય કુમારની ફિલ્મ સૂર્યવંશીની આતુરતાથી રાહ જોઈ રહ્યું છે જે આ વર્ષે દિવાળી પર થિયેટરોમાં રિલીઝ થશે. રોહિત શેટ્ટી અને તેની ટીમે આ ફિલ્મનું પ્રમોશન શરૂ કરી દીધું છે. તાજેતરમાં, વીડિયો અને પોસ્ટરો શેર કરીને માહોલ બનાવવામાં આવી રહ્યો છે.ત્યારે અક્ષય કુમારની ફિલ્મ સૂર્યવંશીનું નવું પોસ્ટર રિલીઝ કરવામાં આવ્યું છે.
પ્રખ્યાત ટ્રેડ એનાલિસ્ટ તરણ આદર્શે સૂર્યવંશીનું નવું પોસ્ટર શેર કર્યું છે જેમાં અક્ષય કુમાર પોલીસના ડ્રેસમાં જોવા મળી રહ્યો છે. પોસ્ટરમાં તેના પર ધ્યાન કેન્દ્રિત કરવામાં આવ્યું છે અને અજય દેવગણ અને રણવીર સિંહ પણ નીચે જોવામાં આવ્યા છે. જે ધ્યાન આકર્ષિત કરી રહ્યું છે તે છે પોસ્ટર પર લખેલી અપીલ. પોસ્ટર પર દર્શકોને આ દિવાળીએ સિનેમાઘરોમાં આવીને તેમની ફિલ્મ જોવાની અપીલ કરવામાં આવી છે. આ પહેલા આ ફિલ્મના મેકર્સે એક ગીત ‘આઈલા રે આઈલા’ રિલીઝ કર્યું હતું જે ખૂબ જ લોકપ્રિય થઈ રહ્યું છે. તે ભવિષ્યમાં પણ આ ફિલ્મના વધુ બે ગીતો રજૂ કરવાની યોજના ધરાવે છે.
સૂર્યવંશી 5 નવેમ્બર 2021 ના દિવાળી પર તમારા સિનેમાઘરોમાં રિલીઝ થશે. આ ફિલ્મમાં અક્ષય કુમાર અને કેટરીના કૈફ મુખ્ય ભૂમિકામાં છે. આ સાથે અજય દેવગણ અને રણવીર સિંહ ધમાકેદાર કેમિયો કરતા જોવા મળશે.આ ફિલ્મ એક મસાલા મનોરંજન ફિલ્મ છે જેમાં દર્શકો ઘણી બધી એક્શન જોવા જઈ રહ્યા છે. તેનું નિર્માણ રોહિત શેટ્ટી અને કરણ જોહર સંયુક્ત રીતે કરી રહ્યા છે.
