કાનપુર, 06 સપ્ટેમ્બર 2026: ઘાટમપુર પોલીસ સ્ટેશન વિસ્તારના હિરની ગામમાં અચાનક માટીનું એક ઘર ધરાશાયી થયું હતું. આ દુઃખદ ઘટનામાં એક જ પરિવારના પાંચ સભ્યો કાટમાળ નીચે દબાઈ ગયા હતા.
સ્થાનિક ગ્રામજનો અને બચાવ ટુકડીઓની મદદથી પાંચ લોકોને કાટમાળમાંથી બહાર કાઢીને પતારા કોમ્યુનિટી હેલ્થ સેન્ટર (CHC) ખાતે લઈ જવામાં આવ્યા, જ્યાં તબીબોએ તેમાંથી ચારને મૃત જાહેર કર્યા.
પીડિતોમાં પિતા મુકેશ (45) અને તેમની પુત્રીઓ માયા (16), નીતુ (12) તથા પલ્લવી (7) ને ડૉક્ટરે મૃત જાહેર કર્યા; જ્યારે ગંભીર હાલતમાં રહેલી કાજલ (19) ને પ્રાથમિક સારવાર બાદ કાનપુર જિલ્લા હોસ્પિટલમાં રિફર કરવામાં આવી.
ગ્રામજનોનું કહેવું છે કે પતારા સીએચસી (CHC)ના ઈમરજન્સી વોર્ડમાં એક કલાક સુધી કોઈ ડૉક્ટર પહોંચ્યા ન હતા. ગામમાંથી સૌને જીવિત હાલતમાં મોકલવામાં આવ્યા હતા; હોસ્પિટલમાં વોર્ડ બોયે સારવાર આપી હતી, પરંતુ કોઈ બચી શક્યું નહીં. ઘટનાની જાણ થતાં ડૉક્ટરો બાદમાં ત્યાં પહોંચ્યા હતા અને હોસ્પિટલમાં પ્રવેશવા માટે તેમણે હોસ્પિટલની દીવાલ કૂદવી પડી હતી.
વધુ વાંચો: રાજસ્થાન માટે ગૌરવની ક્ષણ: શેખાવતીની 14 ઐતિહાસિક હવેલીઓ યુનેસ્કોની સંભવિત યાદીમાં સામેલ
