- સરકાર નવા મતદારો માટે મહત્વૂપર્ણ નિર્ણય લેશે
- હવે નવા મતદારોની નોંધણી માટે આધાર કાર્ડનો કરાશે ઉપયોગ
- આધાર કાર્ડ વેરિફિકેશનથી અન્ય સેવાઓ ઝડપી કરી શકાય છે
નવી દિલ્હી: દેશમાં સરકાર હવે નવા મતદારો માટે એક મહત્વપૂર્ણ નિર્ણય લેવા જઇ રહી છે. દેશમાં ટૂંક સમયમાં નવા મતદારોની નોંધણી માટે આધાર કાર્ડના ડેટાનો ઉપયોગ કરવામાં આવશે. જેના માટે કેન્દ્ર સરકારે UIDAIની પાસે મંજૂરી માટે પ્રસ્તાવ મોકલ્યો છે. કાયદા મંત્રાલય અનુસાર આધાર કાર્ડ વેરિફિકેશનથી અન્ય સેવાઓ ઝડપી કરી શકાય છે.
બીજી તરફ વોટર સ્લિપને ડાઉનલોડ કરવા માટે ટૂંક સમયમાં આધારના નિયમો હેઠળ લવાશે. 5 ઑગસ્ટના રોજ ઇલેક્ટ્રોનિક્સ અને સૂચના મંત્રાલય દ્વારા નિયમો જાહેર કરવામાં આવ્યા હતા. જેમાં આધાર વેરિફિકેશન માટે સુશાસનના હિતમાં, પબ્લિક ફંડને ખોટી રીતે ઉપયોગ થતાં અટકાવવા, લોકોને સરળતાપૂર્વક સેવાઓ પહોંચાડવાનો ઉલ્લેખ કરાયો હતો. જેના કારણે આધાર ડેટાનો ઉપયોગ કરવા માટે સંસ્થાને કેન્દ્ર સરકારે પ્રસ્તાવ મોકલવાનો હોય છે.
UIDAIને કાયદા મંત્રાલયે પત્ર મોકલ્યો હતો. ઓગસ્ટ 2019માં પંચે કાયદા સચિવને RP એક્ટ અને આધાર એક્ટમાં સંશોધન માટે પ્રસ્તાવ મોકલ્યો હતો. જો બન્ને વચ્ચે સહમતિ થશે તો આધારની સાથે વોટર કાર્ડને જોડવાની પ્રક્રિયા જનપ્રતિનિધિત્વ એક્ટ, 1950 અને આધાર એક્ટ 2016માં સંશોધન કર્યા વગર શરૂ થઈ શકે છે.
E-EPIC એટલે કે ઇલેક્ટ્રોનિક્સ ઇલેક્ટ્રોર્સ ફોટો આઇડેન્ટિટી કાર્ડ અથવા વોટર સ્લિપ ડાઉનલોડ કરવાથી ટૂંક સમયમાં આધાર નિયમો હેઠળ લાવવામાં આવી શકે છે. આ નિયમો ઇલેક્ટ્રોનિક્સ અને ઇન્ફોર્મેશન ટેક્નોલોજી મંત્રાલય દ્વાર ગત વર્ષે 5 ઑગસ્ટના રોજ સૂચિત કરવામાં આવ્યા હતા.
આવા કાર્યો માટે આધારનો ઉપયોગ કરવા ઈચ્છતી સંસ્થાએ કેન્દ્ર સરકારને દરખાસ્ત મોકલવી પડશે, જે તેને UIDAI ને મોકલે. UIDAI ને કાયદા મંત્રાલયનો પત્ર ચૂંટણી પંચના આદેશ પર મોકલવામાં આવ્યો હતો અને સૂચિત આધાર નોંધણી સ્વેચ્છાએ ઉપલબ્ધ કરાવાશે.
