અફ્ઘાનિસ્તાનમાં રહેલા અમેરિકાના હથિયાર પર પાકિસ્તાનની નજર,તાલિબાન સાથે કરશે વેપાર: રિપોર્ટ
- અફ્ઘાનિસ્તાનમાં છે અમેરિકાના હથિયાર
- પાકિસ્તાનની નજર અમેરિકાના હથિયાર પર
- તાલિબાન સાથે કરશે હથિયારની ડીલ
દિલ્હી:અફ્ઘાનિસ્તાનમાંથી જે રીતે અમેરિકાનું સૈન્ય પરત ફર્યું અને જેટલા સમયમાં પરત ફર્યું, તેને જોતા લાગતું જ હતું કે અમેરિકા પોતાના તમામ હથિયારને અમેરિકા પરત લઈ જઈ શકશે નહી. આ કારણોસર અમેરિકાએ પોતાના કેટલાક હથિયારને અફ્ઘાનિસ્તાનમાં મુકીને જ જવુ પડ્યું હતું. આ હથિયારનો કદાચ ઉપયોગ અફ્ઘાનિસ્તાનનો કરી શકે તેમ નથી પણ તે હથિયાર પર હવે પાકિસ્તાનની નજર છે અને તે આ હથિયાર માટે તાલિબાન સાથે ડીલ કરશે.
અફઘાનિસ્તાનમાંથી યુએસ દળોની પીછેહઠ બાદ તાલિબાન દ્વારા જપ્ત કરાયેલા અમેરિકન શસ્ત્રો અફઘાન બંદૂક ડીલરો દ્વારા સ્ટોર્સમાં ખુલ્લેઆમ વેચવામાં આવે છે જેઓ સરકારી સૈનિકો અને તાલિબાન સભ્યોને બંદૂકો અને દારૂગોળો માટે ચૂકવણી કરતા હતા. અમેરિકી પ્રશિક્ષણ અને સહાયતા કાર્યક્રમ હેઠળ આ સાધનો મૂળરૂપે અફઘાન સુરક્ષા દળોને આપવામાં આવ્યા હતા. અમેરિકન સૈનિકોએ અફઘાનિસ્તાન છોડ્યા પછી, તાલિબાને મોટી સંખ્યામાં શસ્ત્રો એકઠા કર્યા અને દુકાનોમાં ખુલ્લેઆમ બંદૂકો વેચી છે.
જો કે આ બાબતે જાણકારો તથા સૈન્ય અધિકારીઓનું કહેવું છે કે ઘણા એવા ઇનપુટ છે જે સૂચવે છે કે આ યુએસ મૂળના હથિયારો, ખાસ કરીને નાના હથિયારો પાકિસ્તાનને મોકલવામાં આવી રહ્યા છે. પરંતુ જે રીતે તાલિબાનની જીતે ત્યાં આતંકવાદી જૂથોને પ્રોત્સાહિત કર્યા છે, તેનાથી પાકિસ્તાનમાં જ હિંસા માટે આ હથિયારોનો ઉપયોગ થવાની સંભાવના છે.
