- પીએમ મોદીએ કેબિનેટ બેઠકની અધ્યક્ષતા કરી
- વિવિધ પ્રોજેક્ટ્સની લીધી માહિતી
- 14 સપ્ટેમ્બરે કેબિનેટની યોજાઈ હતી બેઠક
દિલ્હી:વડાપ્રધાન નરેન્દ્ર મોદીએ મંગળવારે કેન્દ્રીય કેબિનેટની બેઠકની અધ્યક્ષતા કરી હતી, જેમાં વિવિધ પ્રોજેક્ટ્સના અમલીકરણ અને દેખરેખ પર એક પ્રેઝન્ટેશન કરવામાં આવ્યું હતું.સૂત્રોએ જણાવ્યું હતું કે,બંને મંત્રીઓએ વિવિધ પ્રોજેક્ટ્સના અમલીકરણ અંગે રજૂઆતો કરી હતી. 7 જુલાઈના ફેરબદલ અને વિસ્તરણ બાદ કેન્દ્રીય મંત્રી પરિષદમાં આ ચોથી બેઠક હતી. 14 મી સપ્ટેમ્બરના રોજ છેલ્લી બેઠક દરમિયાન, આરોગ્ય મંત્રી મનસુખ માંડવીયા અને શિક્ષણ મંત્રી ધર્મેન્દ્ર પ્રધાને કાર્યક્ષમતા અને સમય વ્યવસ્થાપન અંગે પ્રેઝન્ટેશન આપ્યું હતું.
14 મી સપ્ટેમ્બરે મંત્રી પરિષદની બેઠક પછી, સૂત્રોએ કહ્યું હતું કે,તે ‘ચિંતન શિવિર’ જેવું છે અને શાસનને વધુ સુધારવા માટે આવા વધુ સત્રોનું આયોજન કરવામાં આવશે. છેલ્લી બેઠકમાં સરકારની કલ્યાણકારી યોજનાઓનો લાભ લોકો સુધી કેવી રીતે અને અસરકારક રીતે પહોંચે તે અંગે પણ ચર્ચા કરવામાં આવી હતી.પીએમ મોદી નિયમિત રીતે મંત્રી પરિષદની બેઠકો યોજે છે જેમાં મંત્રીઓ મહત્વના મુદ્દાઓ પર પ્રસ્તુતિઓ આપે છે. આ બેઠકો મંત્રીઓને વિવિધ કલ્યાણ યોજનાઓ વિશે નવીનતમ માહિતી મેળવવામાં મદદ કરે છે.
અગાઉ, પીએમ મોદીએ ભારતીય કૃષિ સંશોધન પરિષદ દ્વારા વિકસિત 35 વિશેષ ગુણવત્તાની પાકની જાતો રાષ્ટ્રને સમર્પિત કરી હતી. આ જાતો આબોહવા પરિવર્તન અને કુપોષણના બે પડકારોનો સામનો કરવાના હેતુથી વિકસાવવામાં આવી છે.મોદીએ વીડિયો કોન્ફરન્સિંગ દ્વારા બરોડા, રાયપુરમાં નેશનલ ઇન્સ્ટિટ્યુટ ઓફ બાયોલોજિકલ સ્ટ્રેસ ટોલરન્સના નવા કેમ્પસનું ઉદ્ઘાટન કર્યું અને રાષ્ટ્રને પાકની 35 ખાસ જાતો સમર્પિત કરી. તમામ આઈસીએઆર સંસ્થાઓ, રાજ્ય અને કેન્દ્રીય કૃષિ યુનિવર્સિટીઓ અને કૃષિ વિજ્ઞાન કેન્દ્રોમાં વીડિયો કોન્ફરન્સિંગનું આયોજન કરવામાં આવ્યું હતું.
