મુંબઈ, 19 ઑક્ટોબર, 2026: Pragyan Ojha new Chief Selector of the cricket team ભારતીય પુરુષ ક્રિકેટ ટીમની સિલેક્શન કમિટીમાં રમેશ પવારનો સમાવેશ કરવામાં આવ્યો છે. મુખ્ય પસંદગીકાર અજીત અગરકર બાદ આ જગ્યા ખાલી પડી હતી. પ્રજ્ઞાન ઓઝા જેમણે પવાર કરતાં વધુ ટેસ્ટ મેચ ભારત માટે રમી છે તેઓ હવે સિલેક્શન કમિટીના અધ્યક્ષ બનશે. એટલે કે ઓઝા, અગરકરનું સ્થાન લેશે.
🚨 Announcement 🚨
Mr Ramesh Powar @imrameshpowar appointed to Men’s Selection Committee.
Based on seniority (most Tests), Mr Pragyan Ojha @pragyanojha will chair the Committee.
BCCI appreciates Mr Ajit Agarkar @imAagarkar for his commitment, conviction and contribution during his tenure as Chairman of the Committee.
Details ▶️ https://t.co/z0jcyPWkr0
#TeamIndia
— BCCI (@BCCI) October 19, 2026
પવારે ભારત માટે બે ટેસ્ટ મેચ અને 31 વનડે મેચ રમી છે. તેમણે પોતાની કારકિર્દીમાં કુલ 312 મેચો રમી હતી, જેમાં ફર્સ્ટ ક્લાસ, લિસ્ટ એ અને ઈન્ટરનેશનલ મેચોનો સમાવેશ થાય છે. ઓઝાએ ભારતીય ટીમ માટે 24 ટેસ્ટ મેચ રમી હતી, જેના કારણે તેમને મુખ્ય પસંદગીકાર બનાવાયા છે. ઉલ્લેખનીય છે કે તાજેતરમાં જ ભારતીય ક્રિકેટ કંટ્રોલ બોર્ડ (BCCI) એ પસંદગીકારના પદ માટે અરજીઓ મંગાવી હતી.
રમેશ પવાર બન્યા નવા સિલેક્ટર
BCCI એ રમેશ પવારના સિલેક્શન કમિટીમાં સામેલ થવા અંગેની માહિતી આપી છે. બોર્ડે જણાવ્યું કે અશોક મલ્હોત્રા અને જતિન પરાંજપેની અધ્યક્ષતાવાળી ક્રિકેટ એડવાઈઝરી કમિટી (CAC) એ સિલેક્ટરના પદની નિમણૂક માટે પસંદગી પ્રક્રિયા યોજી હતી. CAC એ અરજદારોના ઈન્ટરવ્યૂ લીધા બાદ બેઠક યોજી હતી અને સર્વાનુમતે રમેશ પવારની નિમણૂક કરવાની ભલામણ કરી હતી. બોર્ડે એ પણ સ્પષ્ટ કર્યું છે કે સિનિયર હોવાના નાતે પ્રજ્ઞાન ઓઝા ચીફ સિલેક્ટર પદે યથાવત રહેશે.
