ટોક્યો પેરાલિમ્પિક્સ: ગુજ્જુ ગર્લની હવે ગોલ્ડ તરફ આગેકૂચ, ભાવિના પટેલની ટેબલ ટેનિસ ફાઇનલમાં એન્ટ્રી
- ગુજ્જુ ગર્લે ટોક્યો પેરાલિમ્પિક્સમાં ઇતિહાસ રચ્યો
- ભાવિના પટેલે ટેબલ ટેનિસની સેમિફાઇનલમાં ચીનની મિયાઇ ઝાંગને મ્હાત આપી
- હવે ફાઇનલમાં કર્યો પ્રવેશ
નવી દિલ્હી: જાપાનની રાજધાની ટોક્યોમાં હાલમાં ટોક્યો પેરાલિમ્પિક્સ ચાલી રહ્યું છે ત્યારે ભારતની ભાવિના પટેલે ઇતિહાસ રચ્યો છે. તેણીએ સેમિફાઇનલમાં ચીનના મિયાઇ ઝાંગને 3-2થી મ્હાત આપી છે.
આ જીત સાથે હવે ભાવિના પટેલે ટેબલ ટેનિસ વિમેન્સ સિંગલ્સ ક્લાસની ફાઇનલમાં પ્રવેશ કર્યો છે. આ સાથે ભારતનો સિલ્વર મેડલ કન્ફર્મ થયો છે. હવે ભાવિના ભારતીય સમય અનુસાર રવિવારે સવારે 7.30 કલાકે ગોલ્ડ મેડલની આશા સાથે ચીનની ઝોઉ યિંગ સાથે મેદાનમાં ઉતરશે.
Congratulations @BhavinaPatel6 4 creating History @ #Tokyo2020 #Paralympics #TableTennis defeated China's Zhang Miao & reached Women's Singles C4 Final #Cheer4India #Praise4Para @ianuragthakur @IndiaSports @Media_SAI @ddsportschannel @TheLICForever @neerajkjha @EurosportIN pic.twitter.com/u4LlXEIPSs
— Paralympic India 🇮🇳 #Cheer4India 🏅 #Praise4Para (@ParalympicIndia) August 28, 2021
આપને જણાવી દઇએ કે અગાઉ, ભાવિના પટેલે (Bhavina Patel) રિયો પેરાલિમ્પિક્સ 2016 (Rio Paralympics 2016) ની ગોલ્ડ મેડલ વિજેતા સર્બિયાના (Serbia) બોરીસ્લાવા પેરીક રેન્કોવિચને (Borislava Peric Rankovic) સીધી ગેમમાં 3-0 થી હરાવીને સેમિફાઇનલમાં પ્રવેશ કર્યો હતો. ભાવિનાએ 19 મિનિટ સુધી ચાલેલી મેચમાં રાન્કોવિચને 11-5, 11-6, 11-7 થી હરાવી હતી.
