ઓસ્ટ્રેલિયા સામેની પહેલી T20માં ભારતીય કેપ્ટન સૂર્યકુમાર યાદવે ઇતિહાસ રચ્યો. તેણે બે છગ્ગા ફટકારીને T20Iમાં 150 છગ્ગા ફટકાર્યા, અને આ સિદ્ધિ મેળવનાર વિશ્વનો પાંચમો બેટ્સમેન બન્યો. રોહિત શર્મા આ યાદીમાં ટોચ પર છે, તેણે 159 મેચોમાં 205 છગ્ગા ફટકાર્યા છે. રોહિત ટી20 આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યો છે.
કેનબેરામાં ભારત અને ઓસ્ટ્રેલિયા વચ્ચે રમાઈ રહેલી પ્રથમ T20Iમાં મિશેલ માર્શે ટોસ જીતીને પ્રથમ બોલિંગ કરવાનો નિર્ણય લીધો. અભિષેક શર્મા અને શુભમન ગિલે પ્રથમ વિકેટ માટે 35 રન ઉમેર્યા અને પછી ચોથી ઓવરમાં નાથન એલિસના હાથે 19 રનના સ્કોર પર કેચ આઉટ થયા. ત્રીજા નંબરે બેટિંગ કરવા આવેલા સૂર્યકુમાર યાદવે 10મી ઓવરના ત્રીજા બોલ પર આ ઇનિંગનો બીજો સિક્સર ફટકારીને પોતાનો 150 T20 આંતરરાષ્ટ્રીય સિક્સર પૂર્ણ કર્યો.
T20 આંતરરાષ્ટ્રીય મેચોમાં સૌથી વધુ છગ્ગા મારનારા ટોચના 5 બેટ્સમેન
205 – રોહિત શર્મા (ભારત)
187 – મોહમ્મદ વસીમ (યુએઈ)
173 – માર્ટિન ગુપ્ટિલ (ન્યુઝીલેન્ડ)
172 – જોસ બટલર (ઇંગ્લેન્ડ)
150 – સૂર્યકુમાર યાદવ (ભારત)