- ‘બિગ બુલ’ નું ટીઝર રિલીઝ
- ફિલ્મ 8 એપ્રિલે થશે રિલીઝ
- OTT પ્લેટફોર્મ પર થશે રિલીઝ
મુંબઈ: બોલિવુડ એક્ટર અભિષેક બચ્ચનની ફિલ્મ ધ બિગ બુલનું ટીઝર આજે રિલીઝ થયું છે. આ સાથે ફેંસની પ્રતીક્ષા પણ સમાપ્ત થઇ ગઈ છે.આ સાથે ટીઝરમાં ફિલ્મની રિલીઝ ડેટ પણ સામે આવી છે. ફિલ્મમાં અભિષેક મુખ્ય ભૂમિકામાં જોવા મળશે. ફિલ્મ ‘ધ બિગ બુલ’ 1992 માં થયેલ ભારતીય સ્ટોક માર્કેટના સૌથી મોટા સ્કેમના આરોપી હર્ષદ મહેતા પર આધારિત છે.
Introducing The Big Bull… The mother of all scams!!! Trailer out on 19th March. #TheBigBull releasing on 8th April only on @DisneyplusHSVIP, stay tuned! 📈#DisneyPlusHostarMultiplex
@Ileana_Official @nikifyinglife @s0humshah @kookievgulati @ajaydevgn pic.twitter.com/U4v3S6odZj— Abhishek Bachchan (@juniorbachchan) March 16, 2021
અભિષેક બચ્ચને તેના ઇન્સ્ટાગ્રામ એકાઉન્ટ પર ફિલ્મનો ટીઝર વીડિયો શેર કર્યો છે. ટીઝરની શરૂઆત અભિનેતા અજય દેવગનના અવાજથી થાય છે. વીડિયોમાં 1987 ની મુંબઈ બતાવવામાં આવી છે અને ત્યારબાદ અભિષેક બચ્ચનની એન્ટ્રી થાય છે. અજય દેવગણના અવાજમાં સાંભળવામાં આવે છે કે, નાના મકાનોમાં જન્મેલા લોકો મોટા ભાગે વિશ્વના મોટા સ્વપ્નો જોવાની ના પાડે છે. તેથી જ તેણે તેની દુનિયા બિગ બુલની રચના કરી. ફિલ્મનું ટ્રેલર ફેંસને 19 માર્ચના રોજ જોવા મળશે.
આ ફિલ્મ 8 એપ્રિલે રિલીઝ થવા જઈ રહી છે. અગાઉ આ ફિલ્મ 2020 માં રિલીઝ થવાની હતી, પરંતુ કોરોના મહામારીને કારણે ફિલ્મની રિલીઝ મુલતવી રાખવામાં આવી હતી. અભિષેક બચ્ચનની ‘બિગ બુલ’ ઓટીટી પ્લેટફોર્મ પર રિલીઝ થશે. ફિલ્મ ‘ધ બિગ બુલ’ ક્રાઇમ ડ્રામા ફિલ્મ છે. આ ફિલ્મનું નિર્માણ અજય દેવગણ અને આનંદ પંડિત દ્વારા કરવામાં આવ્યું છે. અને કુકી ગુલાટીએ આ ફિલ્મનું દિગ્દર્શન કર્યું છે.
-દેવાંશી
