શ્રીલંકામાં પ્રખ્યાત ભારતીય હાથીનું મોત,રાષ્ટ્રપતિએ શોક વ્યક્ત કર્યો

• શ્રીલંકામાં પ્રખ્યાત ભારતીય હાથીનું મોત
• રાષ્ટ્રપતિએ શોક વ્યક્ત કર્યો
• રાજાને એશિયાનો સૌથી મોટો હાથી માનવામાં આવતો હતો 

દિલ્હી:એશિયામાં સૌથી મોટા ગણાતા 69 વર્ષીય પ્રખ્યાત ભારતીય હાથીનું સોમવારે મૃત્યુ થતાં શ્રીલંકામાં શોકનો માહોલ છે.રાષ્ટ્રપતિ ગોટબાયા રાજપક્ષેએ નિર્દેશ આપ્યો છે કે,હાથીના શબને ભાવિ પેઢીઓ માટે સાચવવામાં આવે અને તેને રાષ્ટ્રીય સંપત્તિ તરીકે નિયુક્ત કરવામાં આવે.ભારતના મૈસૂરમાં જન્મેલા, નાડુંગમુવે રાજા નામનો આ હાથી સતત 11 વર્ષ સુધી દર વર્ષે ઓગસ્ટમાં કેન્ડીના પ્રખ્યાત બૌદ્ધ મંદિરના વાર્ષિક ઉત્સવમાં ભગવાન બુદ્ધના દાંતના અવશેષોનું મુખ્ય બોક્સ લઈ જતો હતો. દેશના ગંપાહા જિલ્લામાં હાથીનું મૃત્યુ થયું હતું.

રાષ્ટ્રપતિ રાજપક્ષેએ હાથીના રાજાના નિધન પર શોક વ્યક્ત કર્યો છે.રાજપક્ષેએ ટ્વિટ કર્યું કે,તમે ટેમ્પલ ઑફ ટૂથના અવશેષો ધરાવતું બૉક્સ લઈ જવાના તમારા પ્રશંસનીય કાર્ય માટે સ્થાનિક અને વિદેશી લોકોના દિલ જીતી લીધા છે.તમે પવિત્ર બોક્સની યાત્રા કરીને યોગ્યતા પ્રાપ્ત કરી છે. ભગવાન તમારા આત્માને શાંતિ આપે.

පුරා වසර ගණනාවක් තිස්සේ දෙස් විදෙස් ජනතාවගේ ගෞරව බහුමානයට පාත්‍ර වී සිටි හස්ති රාජයාණෙනි, දළදා මාලිගාවෙහි සධාතුක කරඬුව ගෞරවයෙන් වඩමවා සිදු කර ගත් උතුම් කුසලයෙහි ආනුභාවයෙන් ඉදිරි ආත්මභවයක උතුම් නිර්වාණය සාක්ෂාත් කර ගැනීමට හැකි වේවා!යි ප්‍රාර්ථනා කරමි. pic.twitter.com/YLCLsjLV0G

— Gotabaya Rajapaksa (@GotabayaR) March 7, 2022

અહેવાલ મુજબ, રાજાને એશિયાનો સૌથી મોટો હાથી માનવામાં આવતો હતો. હાથીના માલિક ડૉક્ટર હર્ષ ધર્મવિજયે કહ્યું કે,હાથીના અંતિમ સંસ્કારની જાહેરાત પછી કરવામાં આવશે.મીડિયા રિપોર્ટ્સ અનુસાર, હાથી 10.5 ફૂટ લાંબો હતો.રાષ્ટ્રપતિ રાજપક્ષેના કાર્યાલય દ્વારા જારી કરાયેલા નિવેદન અનુસાર, તેમણે નિર્દેશ આપ્યો છે કે હાથીના શરીરને ભાવિ પેઢીઓ માટે સાચવવામાં આવે અને તેને રાષ્ટ્રીય સંપત્તિ તરીકે નિયુક્ત કરવામાં આવે.