નવી દિલ્હી, 03 જુલાઈ 2026: Shri Amarnathji Yatra જમ્મુ અને કાશ્મીરમાં આજે સવારે પહેલગામ અને બાલતાલ માર્ગો દ્વારા શ્રી અમરનાથજી યાત્રાનો પ્રારંભ થયો. 57 દિવસની આ યાત્રા દરમિયાન દેશભરમાંથી લાખો શ્રદ્ધાળુઓ પવિત્ર અમરનાથ ગુફાના દર્શન કરશે. શ્રદ્ધાળુઓ ભગવાન શિવના આશીર્વાદ મેળવવા અને કુદરતી રીતે રચાયેલા બરફના શિવલિંગના દર્શન કરવા માટે લગભગ 3,888 મીટરની ઊંચાઈએ આવેલી પવિત્ર અમરનાથ ગુફાની યાત્રા કરે છે. આ યાત્રા 28 ઓગસ્ટે રક્ષાબંધનના દિવસે સંપન્ન થશે.
અનંતનાગ જિલ્લાના નુનવાન અને ગાંદરબલ જિલ્લાના બાલતાલ ખાતે આવેલા બે મુખ્ય બેઝ કેમ્પ પર ગઈકાલે ચુસ્ત સુરક્ષા વ્યવસ્થા વચ્ચે યાત્રાળુઓનો પ્રથમ જથ્થો આવી પહોંચ્યો હતો. લેફ્ટનન્ટ ગવર્નર મનોજ સિંહાએ ગઈકાલે સવારે જમ્મુના ભગવતી નગર યાત્રી નિવાસ ખાતેથી યાત્રાળુઓના આ પ્રથમ જથ્થાને રવાના કર્યો હતો. આ પ્રથમ જથ્થામાં કુલ 4,822 યાત્રાળુઓનો સમાવેશ થાય છે, જેમાંથી 2,510 યાત્રાળુઓ પહેલગામ માર્ગે અને 2,312 યાત્રાળુઓ બાલતાલ માર્ગે યાત્રા કરશે.
યાત્રાના સુગમ અને સલામત સંચાલનને સુનિશ્ચિત કરવા માટે બંને રૂટ પર વ્યાપક સુરક્ષા વ્યવસ્થા ગોઠવવામાં આવી છે. બંને રૂટ પર આરામ વિસ્તારો, ભોજનાલયો, તબીબી સેવાઓ અને બચાવ ટીમો જેવી આવશ્યક સુવિધાઓ પૂરી પાડવામાં આવી છે.
વધુ વાંચો: હિમાચલના કિન્નોરમાં ભારે વરસાદે મચાવી તબાહી, NH-5 બંધ અને અનેક વાહનો ફસાયા
