ચોમાસાની ઋતુ ગરમીથી રાહત જરૂર અપાવે છે, પરંતુ આ દરમિયાન વધતી ભેજવાળી હવા અને શારીરિક પ્રવૃત્તિઓ ઓછી થઈ જવાના કારણે પાચનતંત્ર નબળું પડી જાય છે. પાચનક્રિયાને સુધારીને પેટને સ્વસ્થ રાખવા માટે તમે તમારી દિનચર્યામાં કેટલીક હેલ્ધી હર્બલ ચાનો સમાવેશ કરી શકો છો.
-
પાચન સુધારતી 5 શ્રેષ્ઠ હર્બલ ટી
આદુ અને ફુદીનાની ચા : સવારની શરૂઆત માટે આદુ અને ફુદીનાની ચા ઉત્તમ માનવામાં આવે છે. તે મોર્નિંગ સિકનેસ (સવારે જી મિચલાવાની સમસ્યા) ને ઓછી કરવામાં મદદ કરે છે. આ ચા પેટને આરામ આપવાની સાથે પાચનતંત્રને પણ મજબૂત બનાવે છે.
લેમન ગ્રાસ ટી : પાચન સુધારવા માટે તમે લેમન ગ્રાસની ચા બનાવીને પી શકો છો. તેની હળવી ખટાશ અને માટી જેવી સુગંધ મનને શાંતિ આપે છે. બપોરના સમયે વિરામ દરમિયાન આ ચા એક શ્રેષ્ઠ વિકલ્પ સાબિત થાય છે. તમે રસોડાના ગાર્ડનમાંથી તાજી લેમન ગ્રાસ તોડીને આ સ્વાદિષ્ટ ચા તૈયાર કરી શકો છો.
લીંબુની ચા: ચોમાસાની ઋતુમાં લોકોને અવારનવાર પેટમાં ખેંચાણ (એંઠ) ની સમસ્યા થતી હોય છે. આવા સમયે લીંબુવાળી ચા પીવાથી રાહત મળે છે. ચાની પત્તી ઉકાળીને તેમાં લીંબુનો રસ અને સ્વાદ અનુસાર થોડું મધ ઉમેરીને પીવાથી પાચનમાં ખૂબ જ ફાયદો થાય છે.
કેમોમાઈલ ટી: ચોમાસાની દિનચર્યામાં તમે કેમોમાઈલ ટી પણ સામેલ કરી શકો છો. આ એક પ્રકારનું ફૂલ હોય છે જેને ઉકાળીને ચા બનાવવામાં આવે છે. રાત્રે ડિનર કર્યા પછી આ ચા પીવાથી પાચનક્રિયા ઝડપી બને છે, મનને શાંતિ મળે છે અને રાત્રે ગાઢ ઊંઘ આવે છે. બજારમાં આ સૂકા ફૂલોના પેકેટ સરળતાથી મળી રહે છે.
વરિયાળીની ચા : પાચનને તંદુરસ્ત રાખવા માટે વરિયાળીની ચા ખૂબ જ અદ્ભુત પરિણામ આપે છે. જો તમને જમ્યા પછી પેટમાં ભારેપણું અનુભવાતું હોય, તો તમે ભોજન પછી આ ચા પી શકો છો. વરિયાળીની ચા મોર્નિંગ સિકનેસ અને પેટની સમસ્યાઓમાં પણ રાહત આપે છે.
