- બ્રિટનના પીએમ આવશે ભારતના પ્રવાસે
- એપ્રિલના અંતમાં લેશે ભારતની મુલાકાત
- હિંદ-પ્રશાંત ક્ષેત્ર પર કરશે ધ્યાન કેન્દ્રિત
દિલ્લી: બ્રિટનના વડાપ્રધાન બોરિસ જોનસન એપ્રિલના અંતમાં ભારતની મુલાકાતે આવશે. યુરોપિયન યુનિયનમાંથી બ્રિટનથી બહાર આવ્યા બાદ ભારતની યાત્રા તેમના માટે પ્રથમ મોટો આંતરરાષ્ટ્રીય પ્રવાસ બનશે. જોનસનની ભારત યાત્રા એ ક્ષેત્રમાં બ્રિટનની તકો વધારવાનો પ્રયાસ છે. બ્રિટિશ વડાપ્રધાન કાર્યાલયએ સોમવારે આ અંગે માહિતી આપી હતી.
બ્રિટિશ પીએમ જોનસને જાન્યુઆરીમાં ભારત આવવાની યોજના બનાવી હતી. પરંતુ યુકેમાં વધી રહેલા કોરોનાવાયરસના કેસોને ધ્યાનમાં રાખીને તેને આ યાત્રા રદ કરવી પડી હતી. હકીકતમાં આ પ્રવાસના ભાગ રૂપે બ્રિટન ભારત સાથેની તેની વ્યાપાર વાટાઘાટોને પ્રોત્સાહન આપવા માગે છે. તે સમયે,તેમના કાર્યાલયે કહ્યું હતું કે, જૂનમાં યોજાનારી G-7 શિખર સમ્મેલન પહેલા જોનસન ભારતની મુલાકાત લઇ શકે છે. આ માટે તૈયારીઓ કરવામાં આવી શકે છે.
જોનસનની સરકારે કહ્યું કે, તે આગામી વર્ષો માટેની સરકારી નીતિની એકીકૃત સમીક્ષાના ભાગ રૂપે ભારત-પેસિફિક ક્ષેત્ર પર તેનું ધ્યાન કેન્દ્રિત કરશે. આ ક્ષેત્ર વિશ્વના ભૌગોલિક રાજકીય કેન્દ્રનું પ્રતિનિધિત્વ કરે છે. ગયા મહિને બ્રિટને કોમપ્રિહેન્સિવ એન્ડ પ્રોગ્રેસિવ એગ્રીમેન્ટ ફોર ટ્રાન્સ-પેસિફિક પાર્ટનરશીપમાં જોડાવા માટે ઓપચારિક વિનંતી કરી હતી.
-દેવાંશી
