યાત્રીઓ માટે હવે ઉત્તરાખંડના હેમકુંડ સાહેબ અને વેલી ઓફ ફ્લાવર્સની યાત્રા બની સરળ – હેમ ગંગા પર 135 મીટર લાંબો સ્ટીલ ગાર્ડ બ્રીજ બનીને તૈયાર
- હેમ ગંગા નહી પર 135 મીટર લાંબો પુલ બનીને તૈયાર
- યાત્રીઓ હેમકુંડ સાહેબ અને વેલી ઓફ ફ્લાવર્સમાં સરળતાથી જઈ શકશે
દહેરાદૂન- ઉત્તરાખંડમાં હેમકુંડ સાહિબ યાત્રા રૂટ પર ભુંદર ગામ પાસે હેમ ગંગા પર 135 મીટર લાંબો સ્ટીલ ગાર્ડ પુલ બનીને તૈયાર થઈ ચૂક્યો છે. આ વિસ્તારનો સૌથી લાંબો ગાર્ડર પુલ છે. આનાથી હેમકુંડ સાહિબ અને ફૂલોની ખીણનો રસ્તો સરળ બન્યો છે.
આ બ્રિજ 20.73 કરોડનો ખર્ચ નિર્માણ પામ્યો છે. વર્ષ 2013 ના પૂર દરમિયાન, અહીં બનેલો પુલ હેમ ગંગામાં પૂરને કારણે ધોવાઇ ગયો હતો. જેના કારણે હેમકુંડ સાહિબ અને વેલી ઓફ ફ્લાવર્સ જતા યાત્રાળુઓ અને પ્રવાસીઓને ભારે પરેશાનીનો સામનો કરવો પડી રહ્યો હતો.
હેમકુંડ સાહિબ સુધી પહોંચવા માટે, યાત્રાળુઓ ગોવિંદઘાટથી પુલણા ગામ સુધી ત્રણ કિલોમીટર વાહન અને અહીંથી 16 કિલોમીટરનો કઠોર માર્ગ પાર કરીને હેમકુંડ સાહિબ પહોંચે છે. આ વોકિંગ ટ્રેક ફૂલોની ખીણ તરફ પણ જાય છે. ગોવિંદઘાટથી 13 કિમીના અંતરે આવેલા ઘાંઘરિયાથી એક રસ્તો ફૂલોની ખીણ તરફ જાય છે.
2013 ના પૂર દરમિયાન, હેમ ગંગામાં પૂરને કારણે ભૂંડર ગામ સાથે એક ફૂટ બ્રિજ ધોવાઇ ગયો હતો. આ કારણે યાત્રાળુઓ અને પ્રવાસીઓને હેમકુંડ સાહિબ સુધી પહોંચવા માટે નદી ઉપર બનેલા લાકડાના પુલ પરથી જહેમત ઉઠાવીને પસાર થવું પડતું હતું. આ સમસ્યાને જોતા વર્ષ 2014 માં સરકારે હેમ ગંગા ઉપર ફૂટ બ્રિજ બનાવવાની મંજૂરી આપી હતી. હવે સાત વર્ષ પછી આ પુલ પૂર્ણ થયો છે. વેલી ઓફ ફ્લાવર્સમાં જતા પ્રવાસીઓ પણ આ પુલ પરથી પસાર થઈ રહ્યા છે.
